| اَمَرْتُ بَعْضَہُمْ یَقْرَاُ عَلَیْکَ قَالَ : اَجَل قَالَ اِقْرَأْ یَا عَلْقَمَۃُ رضی اللّٰه عنہ فَقَرَاْتُ خَمْسِیْنَ آیَۃً مِنْ سُوْرَۃِ مَرْیَمَ فَقَالَ عَبْدُ اللّٰہِ رضی اللّٰه عنہ : کَیْفَ تَرَی ؟ قَالَ قَدْ اَحْسَنَ قَالَ عَبْدُاللّٰہِ مَا اَقْرَئُ شَیْئًا اِلاَّ وَہُوَ یَقْرؤُہٗ۔ رَوَاہُ الْبُخَارِیُّ[1] حضرت علقمہ رضی اللہ عنہ کہتے ہیں ہم حضرت عبداللہ بن مسعود رضی اللہ عنہ کے پاس بیٹھے ہوئے تھے کہ حضرت خباب بن ارت رضی اللہ عنہ تشریف لائے کہنے لگے’’اے ابوعبدالرحمن رضی اللہ عنہ !(حضرت عبداللہ بن مسعود رضی اللہ عنہ کی کنیت)کیایہ لوگ (یعنی آپ رضی اللہ عنہ کے شاگرد)بھی تمہاری طرح قرآن پڑھ سکتے ہیں؟‘‘حضرت عبداللہ رضی اللہ عنہ نے کہا’’ہاں!اگرتم کہوتومیں ان میں سے کسی کو کہوں کہ وہ تمہیں قرآن سنائے؟‘‘حضرت خباب رضی اللہ عنہ نے کہا ’’ہاں!کہو‘‘حضرت عبداللہ بن مسعود رضی اللہ عنہ نے حضرت علقمہ رضی اللہ عنہ سے کہا ’’پڑھو!‘‘ حضرت علقمہ رضی اللہ عنہ نے سورہ مریم کی پچاس آیات تلاوت کیں حضرت عبداللہ بن مسعود رضی اللہ عنہ نے حضرت خباب رضی اللہ عنہ سے پوچھا’’کہوکیسی قراء ت ہے؟‘‘حضرت خباب رضی اللہ عنہ نے کہا’’خوب!‘‘حضرت عبداللہ بن مسعود رضی اللہ عنہ نے کہا ’’جس طرح میں پڑھتاہوں،علقمہ رضی اللہ عنہ بھی اسی طرح پڑھتاہے۔‘‘اسے بخاری نے روایت کیاہے۔ مسئلہ 290: صحابہ کرام رضی اللہ عنہم کا تلاوت قرآن سے لگاؤ۔ عَنْ اَنَسِ بْنِ مَالِکٍ رضی اللّٰه عنہ اَنَّ رِعْلاً وَذَکْوَانَ وَعُصَیَّۃَ وَبَنِیْ لَحْیَانَ اسْتَمَدُّوْا رَسُوْلَ اللّٰہِ صلی اللّٰه علیہ وسلم عَلٰی عَدُوٍّ فَاَمَدَّہُمْ بِسَبْعِیْنَ مِنَ الْاَنْصَارِ کُنَّا نُسَمِّیْہِمُ الْقُرَّائَ فِیْ زَمَانِہِمْ کَانُوْا یَحْتَطِبُوْنَ بِالنَّہَارِ وَیُصَلُّوْنَ بِاللَّیْلِ۔ رَوَاہُ الْبُخَارِیُّ[2] حضرت انس بن مالک رضی اللہ عنہ سے روایت ہے کہ قبیلہ رعل،ذکوان ،عصیہ اور بنی لحیان نے اپنے دشمنوں کے خلاف رسول اللہ صلی اللہ علیہ وسلم سے مدد چاہی آپ صلی اللہ علیہ وسلم نے ستر انصاری صحابہ کرام رضی اللہ عنہم کو ان کی مدد کے لئے روانہ فرمایاہم ان (ستر صحابہ کرام رضی اللہ عنہم )کو اس وقت قاری کہتے تھے یہ لوگ دن کے وقت لکڑیاں اکٹھی کرکے لاتے (تاکہ فروخت کرکے گزربسر کرسکیں)اور رات کو نماز پڑھتے (نماز میں تلاوت قرآن، عام تلاوت سے افضل ہے)اسے بخاری نے روایت کیاہے۔ مسئلہ 291: حضرت عبداللہ بن قیس رضی اللہ عنہ کی ایمان افروز تلاوت سن کر آپ صلی اللہ علیہ وسلم |