فضائل قرآن مجید

الصَّدَقَۃَ ، فَجِئْنَا نُصِیْبُ مِنْ طَعَامِکَ ، قَالَ : مَا یُجِیْرُنَا مِنْکُمْ؟ قَالَ تَقْرَأْ اٰیَۃَ الْکُرْسِیِّ مِنْ سُوْرَۃِ الْبَقَرَۃِ ﴿ اَللّٰہُ لَآ اِلٰہَ اِلاَّ ہُوَ الْحَیُّ الْقَیُّوْمُ ﴾ قَالَ : نَعَمْ ، قَالَ : اِذَا قَرَأْتَہَا غَدَوْۃَ اُجِرْتَ مِنَّا حَتّٰی تَمْسِیْ وَ اِذَا قَرَأْتَہَا حِیْنَ تُمْسِیْ اُجِرْتَ مِنَّا حَتّٰی تُصْبِحَ قَالَ اَبِیْ فَغَدَوْتُ اِلٰی رَسُوْلِ اللّٰہِ صلی اللّٰه علیہ وسلم فَاَخْبَرْتُہٗ بِذٰلِکَ فَقَالَ(( صَدَقَ الْخَبِیْثُ)) رَوَاہُ الْحَاکِمُ [1] (حسن)

حضرت ابی بن کعب رضی اللہ عنہ سے روایت ہے کہ ان کے پاس کھجوروں کے گودام تھے۔(ایک روز) انہوں نے کھجوروں میں کچھ کمی محسوس کی تو رات کو نگرانی کے لئے بیٹھ گئے اچانک ایک بالغ لڑکے کی عمر جیسا لڑکا آیا اور آکر سلام کہا۔ ابی بن کعب نے سلام کا جواب دیا اور پوچھا ’’جن ہو یا انسان؟‘‘ اس نے جواب دیا ’’جن ہوں۔‘‘ حضرت ابی بن کعب رضی اللہ عنہ نے کہا ’’اچھا اپنا ہاتھ دکھاؤ۔‘‘ ابی بن کعب رضی اللہ عنہ نے ہاتھ دیکھا تو اس کا ہاتھ کتے کی طرح کا تھا کتے جیسے بال بھی تھے۔ حضرت ابی بن کعب رضی اللہ عنہ نے (تعجب سے) کہا ’’کیا جن ایسے ہوتے ہیں ؟‘‘ اس نے جو اب دیا ’’(ہاں اور)جنوں کو معلوم ہے کہ ان میں میرے جیسا طاقتور کوئی نہیں۔ ‘‘ حضرت ابی بن کعب رضی اللہ عنہ نے پوچھا ’’یہاں کیسے آئے ہو؟‘‘ جن نے کہا ’’ہمیں پتہ چلا تھا کہ تم صدقہ کرنا پسند کرتے ہو، لہٰذا تمہارے کھانے سے اپنا حصہ لینے آئے ہیں۔‘‘ حضرت ابی بن کعب رضی اللہ عنہ نے پوچھا ’’ہمیں (یعنی انسانوں کو) کون سی چیز تم سے محفوظ رکھ سکتی ہے؟‘‘ جن نے پوچھا ’’کیا سورہ بقرہ سے آیۃ الکرسی یعنی ﴿اَللّٰہُ لَآ اِلٰہَ اِلاَّہُوَ الْحَیُّ الْقَیُّوْمُ﴾ پڑھ سکتے ہو؟‘‘حضرت ابی بن کعب رضی اللہ عنہ نے کہا ’’ہاں ! پڑھ سکتا ہوں۔‘‘ جن نے کہا ’’جب تو صبح کے وقت اسے پڑھے گا تو شام تک ہم سے پناہ میں آجائے گا او رجب شام کو پڑھ لے گا تو صبح تک پناہ میں آجائے گا۔‘‘ حضرت ابی بن کعب رضی اللہ عنہ کہتے ہیں ، صبح ہوئی تو میں رسول اللہ صلی اللہ علیہ وسلم کی خدمت میں حاضر ہوا اور سارا واقعہ آپ صلی اللہ علیہ وسلم کے گوش گزار کیا۔ آپ صلی اللہ علیہ وسلم نے سن کر ارشاد فرمایا ’’خبیث نے سچ کہا۔‘‘اسے حاکم نے روایت کیا ہے۔

مسئلہ 227: ہر فرض نماز کے بعد آیۃ الکرسی پڑھنا جنت میں جانے کا باعث ہے۔

عَنْ اَبِیْ اُمَامَۃَ رضی اللّٰه عنہ قَالَ: قَالَ رَسُوْلُ اللّٰہِ صلی اللّٰه علیہ وسلم ((مَنْ قَرَا آیَۃَ الْکُرْسِیِّ فِیْ دُبُرِ کُلِّ صَلاَۃٍ لَمْ یَحِلُّ بَیْنَہٗ وَ بَیْنَ دُخُوْلِ الْجَنَّۃِ اِلاَّ الْمَوْتَ۔))رَوَاہُ النَّسَائِیُّ فِیْ عَمَلِ الْیَوْمِ وَاللَّیْلَۃِ[2] (صحیح)