| بسی ہے فضاؤں میں خوشبوئے رفتہ کفِ دستِ صحرا پہ رنگِ حنا ہے سُراقہؔ کے ہاتھوں میں کُسریٰؔ کے کنگن عمر رضی اللہ عنہ پیش گوئی پہ سر دُھن رہا ہے فراشِ محمد صلی اللہ علیہ وسلم پہ مشرک نہ بیٹھے یہ اُمِ حبیبہ نے کس سے کہا ہے؟ کسے وصلہ اس کی نعت و ثنا کا امامِ رسل ہے امینِ خدا ہے صدا نَحْنُ اَقْرَبْ کی آتی ہے پیہم یہ ڈھرکن ہے دل کی کہ بانگِ درا ہے صبا گُد گُداتی ہے جب تک گُلوں کو لبِ سارباں پر نشید و حُدا ہے تری رحمت اس کی کرے دستگیری دلِ خالدؔ آماجِ رنج و بلاء ہے پریشان و مخزون و خاموش و حیراں صنم آشنا، رہنِ خوف و رجا ہے رہے ذکر سے عمر معمور اس کی کہ خواب و خورش اس کا حرف و نوا ہے عوض سے معرّا غرض سے مبرّا سخن ور ہے لوح و قلم مانگتا ہے یکے جرعہ دریا! یکے قطرہ باراں! ہے لبہ تشنہ، جویائے آبِ بقا ہے! |