| (586) داڑھی کا مذاق اڑانا بہت بڑا جرم ہے السلام علیکم ورحمة اللہ وبرکاتہ ایسے شخص کے پیچھے نماز ادا کرنے کے بار ےمیں کیا حکم ہے جو نہ صرف خود داڑھی منڈواتا ہے بلکہ داڑھی کا مذاق بھی اڑاتا ہو اور داڑھی رکھنے والوں کو منڈوا دینے کا حکم بھی دیتا ہو ؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! الحمد للہ وحدہ ولاصلوۃ والسلام علی رسولہ وآلہ وصحبہ۔۔۔وبعد : جس شخص نے داڑھی رکھی ہو تو اس کا مذاق اڑانا جائز نہیں ہے کیونکہ اس نے تو اسے رسول اللہ ﷺ کے فرمان کی اطاعت بجالاتے ہوئے رکھا ہے لہذا جو شخص اس کا مذاق اڑائے اس کو نصیحت کی جائے ، سمجھایا جائے ، اور بتایا جائے کہ داڑھی رکھنے والے کامذاق اڑانا ایک بہت بڑاجرم ہے کہ اس کی وجہ سے انسان کے دائرہ اسلا م سے خارج اور مرتد ہونے کا اندیشہ ہے کیونکہ ارشاد باری تعالی ہے : ﴿قُل أَبِاللَّہِ وَءایـٰتِہِ وَرَسولِہِ کُنتُم تَستَہزِءونَ ﴿٦٥﴾ لا تَعتَذِروا قَد کَفَرتُم بَعدَ إیمـٰنِکُم... ﴿٦٦﴾... سورة التوبة ’’کہو کیا تم اللہ اور اس کی آیتوں او راس کے رسول سے ہنسی کرتے تھے ؟ بہانے مت بناؤ ،تم ایمان لانے کے بعد کافر ہو چکے ہو ۔‘‘ ھذا ما عندی واللہ اعلم بالصواب فتاویٰ اسلامیہ ج4ص443 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |