| (2) فَضْلُ سُوْرَۃِ الْبَقَرَۃِ سورہ بقرہ کی فضیلت مسئلہ 142: جس گھر میں سورہ بقرہ کی تلاوت ہوتی رہے اس گھر میں شیطان جن داخل نہیں ہو سکتا۔ عَنْ اَبِیْ ہُرَیْرَۃَ رضی اللّٰه عنہ اَنَّ رَسُوْلَ اللّٰہِ صلی اللّٰه علیہ وسلم قَالَ (( لاَ تَجْعَلُوْا بُیُوْتَکُمْ مَقَابِرَ ، وَ اِنَّ الْبَیْتَ الَّذِیْ تُقْرَأُ فِیْہِ الْبَقَرَۃُ لاَ یَدْخُلُہُ الشَّیْطَانُ )) رَوَاہُ التِّرْمِذِیُّ[1] (صحیح) حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ’’اپنے گھر وں کو قبرستان نہ بناؤ ، جس گھر میں سورہ بقرہ پڑھی جائے اس گھر میں شیطان داخل نہیں ہو سکتا۔‘‘ اسے ترمذی نے روایت کیا ہے۔ مسئلہ 143: سورہ بقرہ کی تلاوت اور سماعت جادو کا بہترین علاج ہے۔ مسئلہ 144: کوئی جادو گر سورہ بقرہ پر غالب نہیں آسکتا۔ مسئلہ 145: سورہ بقرہ کی تلاوت کرنے سے گھر میں خیر و برکت رہتی ہے۔ مسئلہ 146: سورہ بقرہ کی تلاوت ترک کرنے سے گھر خیر و برکت سے محروم ہوجاتا ہے۔ مسئلہ 147: قیامت کے روز سورہ بقرہ اپنے پڑھنے والوں کی مغفرت کے لئے اللہ تعالیٰ سے جھگڑا کرے گی۔ عَنْ اَبِیْ اُمَامَۃَ الْبَاہِلِیِّ رضی اللّٰه عنہ قَالَ : سَمِعْتُ رَسُوْلَ اللّٰہِ صلی اللّٰه علیہ وسلم یَقُوْلُ ((اِقْرَئُ وا الْقُرْآنَ ، فَاِنَّہٗ یَأْتِیْ یَوْمَ الْقِیَامَۃِ شَفِیْعًا لِاَصْحَابِہٖ ، اِقْرَئُ وا الزَّہْرَاوَیْنِ : اَلْبَقَرَۃَ وَ سُوْرَۃَ آلِ عِمْرَانَ ، فَاِنَّہُمَا تَاْتِیَانِ یَوْمَ الْقِیَامَۃِ کَأَنَّہُمَا غَمَامَتَانِ ، اَوْ کَأَنَّہُمَا غَیَایَتَانِ ، اَوْ کَاَنَّہُمَا فِرْقَانِ مِنْ طَیْرٍ صَوَافَّ ، تُحَاجَّانِ عَنْ اَصْحَابِہِمَا اِقْرَئُ وْا سُوْرَۃَ الْبَقَرَۃِ ، فَاِنَّ اَخْذَہَا بَرَکَۃٌ ، وَ تَرْکَہَا حَسْرَۃٌ وَ لاَ تَسْتَطِیْعُہَا الْبَطَلَۃُ )) رَوَاہُ مُسْلِمٌ[2] |