| حضرت عبداللہ(بن مسعود) رضی اللہ عنہ کہتے ہیں رسول اللہ صلی اللہ علیہ وسلم نے فرمایا’’جو شخص اللہ اور اس کے رسول سے محبت کرنا چاہے اسے قرآن مجید کی تلاوت کرنی چاہئے۔‘‘اسے ابونعیم نے حلیہ میں روایت کیاہے۔ مسئلہ 50: قرآن مجید کی ایک آیت کی تلاوت دنیا کی بڑی سے بڑی نعمت سے زیادہ قیمتی ہے۔ عَنْ اَبِیْ ہُرَیْرَۃَ رضی اللّٰه عنہ قَالَ قَالَ رَسُوْلُ اللّٰہِ صلی اللّٰه علیہ وسلم (( اَیُحِبُّّ اَحَدُکُمْ اِذَا رَجَعَ اِلٰی اَہْلِہٖ اَنْ یَجِدَ فِیْہِ ثَلاَثَ خَلِفَاتٍ عِظَامٍ سِمَانٍ ؟ )) قُلْنَا : نَعَمْ قَالَ : (( فَثَلاَتُ آیَاتٍ یَقْرَئُ بِہِنَّ اَحَدُکُمْ فِیْ صَلاَتِہٖ خَیْرٌ لَّہٗ مِنْ ثَلاَثِ خَلِفَاتٍ عِظَامٍ سِمَانٍ ))۔ رَوَاہُ مُسْلِمٌ[1] حضرت ابوہریرہ رضی اللہ عنہ کہتے ہیں رسول اللہ صلی اللہ علیہ وسلم نے فرمایا’’کیاتم میں سے کوئی شخص یہ پسند کرتاہے کہ جب اپنے گھر واپس جائے تو تین موٹی موٹی خوب صحت منداونٹنیاں پائے؟‘‘ہم نے عرض کیا’’ہاں!یا رسول اللہ صلی اللہ علیہ وسلم !‘‘آپ صلی اللہ علیہ وسلم نے ارشاد فرمایا’’قرآن مجید کی تین آیتوں کی اپنی نماز میں تلاوت کرناان تین اونٹنیوں سے بھی بہترہے۔‘‘اسے مسلم نے روایت کیاہے۔ مسئلہ 51: نماز تہجد میں قرآن مجید کی دس آیات پڑھنے کا اجروثواب دنیا ومافیہا کی ہر نعمت سے زیادہ ہے۔ عَنْ فُضَالَۃَ بْنِ عُبَیْدٍ رضی اللّٰه عنہ وَتَمِیْمِ الدَّارِیِّ رضی اللّٰه عنہ عَنِ النَّبِیِّ صلی اللّٰه علیہ وسلم قَالَ مَنْ قَرَئَ عَشْرَ آیَاتٍ فِیْ لَیْلَۃٍ کُتِبَ لَہٗ قِنْطَارٌ مِنَ الْاَجْرِ وَالْقِنْطَارُ خَیْرٌ مِنَ الدُّنْیَا وَمََا فِیْہَا فَاِذَا کَانَ یَوْمُ الْقِیَامَۃِ یَقُوْلُ رَبُّکَ عَزَّوَجَلَّ اِقْرَئْ وَارْقَ بِکُلِّ آیَۃٍ دَرَجَۃً حَتّٰی یَنْتَہِیَ اَخِرََ اَیَۃٍ مَعَہٗ یَقُوْلُ اللّٰہُ عَزَّوَجَلَّ لِلْعَبْدِ اِقْبِضْ فَیَقُوْلُ الْعَبْدُ بِیَدِہٖ یَا رَبِّ اَنْتَ اَعْلَمُ یَقُوْلُ بِہٰذِہٖ الْخُلْدِ وَبِہٰذِہِ النَّعِیْمِ رَوَاہُ الطَّبْرَانِیُّ[2] (حسن) حضرت فضالہ بن عبید رضی اللہ عنہ اور حضرت تمیم داری رضی اللہ عنہ سے روایت ہے کہ نبی اکرم صلی اللہ علیہ وسلم نے فرمایا ’’جس آدمی نے رات(کے قیام)میں دس آیات تلاوت کیں اس کے لئے اجر کا ڈھیر ہے اور یہ ڈھیر دنیا و |