Maktaba Wahhabi

6 - 36

امتیازی خصوصیات طبع ھذا یہ اس کتاب کا چوتھا ایڈیشن ہے اس میں درج ذیل خصوصیات ہیں۔ ٭ قرآن اور احادیث کے متروکہ حوالہ جات دئیے ہیں۔ ٭ ہمارے ادارہ کے شعبہ تحقیق نے اس پر نظر ثانی کی ہے۔ ٭ بعض مقامات پر راقم کی طرف سے حواشی ہیں۔ ٭نیز بعض زیادات اس طرح [ ] کے قوسین میں دئیے ہیں۔ ٭شروع میں فہرست کا اضافہ ہے۔ کلمہ تشکر بموجب حدیث نبوی صلی اللہ علیہ وسلم «من لم یشکر الناس لم یشکر الله»[1] ’’جس نے لوگوں کا شکر ادا نہ کیا وہ اللہ کا شکر نہ ادا کر سکا۔‘‘ سب سے پہلے اللہ عزو جل کا شکر گزار ہوں جس نے مجھے یہ کتاب آپ کے ہاتھوں تک پہنچانے کی توفیق دی، پھر اس کے مؤلف، پھر ادارہ المعہد الاسلامی کے شعبہ تحقیق کی اراکین امۃ الرحمٰن، ام بریرہ، امۃ العزیز، امۃ الرقیب، امۃ المصور، امۃ المہیمن کا شکریہ ادا کرنا ہے کہ جنہوں نے اس کتاب کی تیاری میں بھرپور تعاون کیا۔ اللہ تعالیٰ اس خدمت کو سب کے لئے ذریعہ نجات بنائے۔ آمین۔ وصلى الله تعالیٰ وسلم على نبینا محمد و على اٰله وأصحابه أجمعین۔ خادم السنة النبویة المطھرة علیه الف الف تحیة و سلام محمد افضل خلیل احمد الاثری مدیر مکتبة السنة 26 ذوالقعدہ 1424ھ۔ 2004ء

Book Name	قربانی کی شرعی حیثیت اور پرویزی دلائل پر تبصرہ
Writer	مولانا محمد ابراہیم کمیرپوری
Publisher	مکتبۃ السنۃ
Publish Year	2004
Translator
Volume
Number of Pages	36
Introduction	قربانی جوکہ سنت ابراہیمی اور سنت محمدی صلی اللہ علیہ وسلم ہے، اور اللہ تعالیٰ کی مختلف اقسام کی عبادات میں سے عبادت کی ایک قسم ہے۔ جسے شروع دور سے مسلمان اپنائے ہوئے ہیں اور اطرافِ عالم میں رہنے والے مسلمانوں میں سے خواہ کسی بھی مکتبہ فکر سے تعلق رکھنے والا مسلمان ہو اس سنت پر عمل کرتا ہے اور کرتا چلا آرہا ہے ، مگر برصغیر میں اب ایسے لوگ پیدا ہوئے جنہوں نے اس خالصتا للہ کی جانے والی عبادت کو کفر و شرک قرار دے دیا اور دقیانوسی باتیں کرتے ہوئے اسے فضول خرچی ، جانوں کا ضیاع قرار دیا۔ زیر نظر کتاب میں مولانا ابراہیم کمیرپوری رحمہ اللہ نے اس حوالے سے پرویز اور دیگر منکرین حدیث کے اس حوالے سے باطل اعتراضات و شبہات کا جامع انداز میں جواب دیا ہے۔