Maktaba Wahhabi

منکرین حدیث اور بی بی عائشہ رضی اللہ عنہا کے نکاح کی عمر کا تعین

مؤلف: مولانا عطاء اللہ ڈیروی

مؤلف صاحب نے بی بی عائشہ رضی اللہ عنہا کوبڑی عمر کاثابت کرنے کے لئے یہ حدیث بھی ذکرکی ہے کہ’’ ایک بار اسامہ بن زید رضی اللہ عنہ کی ناک بہہ رہی تھی تو نبی کریم صلی اللہ علیہ وسلم نے اپنے ہاتھ سے اسکو صاف کیا،بی بی عائشہ رضی الله عنہا نے فرمایا،یارسول اللہ !اگر آپ مجھے فرماتے میں اسکی ناک صاف کردیتی ،آپ صلی اللہ علیہ وسلم نے فرمایااے عائشہ!میں اس سے محبت کرتاہوں تم ان سے محبت کرو‘‘اس حدیث سے فاضل مؤلف نے یہ دلیل لی ہے کہ’’عام طورپرایسے کام کے لئے کسی بڑی عمر والے کوچھوٹے کی خدمت کیلئے کہاجاتاہے لہذا اس دلیل سے اسامہ بن زید رضی اللہ عنہ بی بی عائشہ رضی الله عنها سے چھوٹے ہوئے ا وراسامہ رضی اللہ عنہ کی عمررسول اللہ صلی اللہ علیہ وسلم کی وفات کے وقت بیس سال تھی جیساکہ خطیب نے مشکواۃ کے رواۃ کے ترجمہ میں لکھاہے‘‘حالانکہ مشکواۃ کے آخرمیں امام ولی الدین الخطیب نے اسامہ رضی اللہ عنہ کے ترجمہ میں جو لکھاہے اسکے الفاظ یہ ہیں: ﴿ قبض النبی صلی اللّٰه علیہ وسلم وھوا بن عشرین سنۃ وقیل غیرذالک ٭ المشکواۃ مع شرح طیبی ص۱۷۸ ج۱۲﴾ یعنی’’نبی کریم صلی اللہ علیہ وسلم کی وفات کے وقت اسامہ رضی اللہ عنہ کی عمربیس سال تھی اوراسکے خلاف بھی قول موجود ہے ‘‘ یہ ہے مؤلف صاحب کی دیانت وامانت کاحال کہ انھوں نے امام ولی الدین خطیب کایہ لفظ (وغیر ذالک) سرے سے حذف ہی کردیامذید برآں اس حدیث میں ایساکوئی لفظ کہاں ہے جس سے یہ معلوم ہوکہ اسامہ بن زید رضی اللہ عنہ بی بی عائشہ رضی اللہ عنہا سے کم عمرکے تھے اوراگر بالفرض ایساہوبھی توکیایہ عام مشاہدے کی بات نہیں کہ بسااوقات بعض بچے اپنی ہی عمرکے دوسرے بچوں کے مقابلے نسبتاً زیادہ سنجیدہ ،ہوشیار اورعقلمندہوتے ہیں اور بی بی عائشہ کاشمار تو ویسے بھی فقہاء صحابہ میں ہوتاہے اسلئے بی بی عائشہ رضی اللہ عنہا سے اس عمر میں سمجھدار ی کی باتیں کوئی بعید از قیاس یاانہونی بات نہیں ہے اورمؤلف رسالہ کے نزدیک اگریہی علمی باتیں ہیں تو پھر معذرت کے ساتھ کہناپڑے گاکہ دنیامیں جہالت نام کی کوئی چیز نہیں ہے۔ مؤلف رسالہ کی بدحواسیاں: مؤلف رسالہ نے چونکہ دل میں یہ بات ٹھان لی ہے کہ وہ ہر حال میں بی بی عائشہ رضی اللہ عنہا کے نکاح والی
x
صفحہعنوان
3مقدمہ
10نابالغ لڑکی کے نکاح کا اختیار باپ کوہے :
12نابالغ لڑکی سے جماع جائز ہے :
14نابالغ لڑکی کے نکاح کاعقلی دلائل سے ردکرنے والوں کوجواب:
17سنت نبوی صلی اللہ علیہ وسلم پر غیر مسلموں کااعتراض دلیل نہیں:
18سورۃ طلاق کی مذکورہ آیت کی معنوی تحریف:
20ہشام بن عروہ پرمؤلف کی تنقید کا جواب:
34نوسال والی روایت غیر کوفی راویوں کی زبانی:
39مؤلف رسالہ کی بددیانتیاں:
41مؤلف رسالہ کی بدحواسیاں:
50منکرین حدیث کی پہچان:
62حصہ اول پرضمنی اعتراضا ت کے جوابات:
72کیابی بی عائشہ صدیقہ رضی اللہ عنہا کانکاح قرآنی آیت کی عملی تفسیر نہیں؟:
Flag Counter