Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

352
اور اس طرح ایک حدیث کو رد کرنے کا جواز نکالتے ہیں حالانکہ لفظوں کا یہ اختلاف کلام نبوت کے اعجاز کی دلیل ہے جس سے اہل بصیرت کو یقین حاصل ہوجاتا ہے کہ یہ احادیث فی الواقعہ زبان نبوت سے ہی صادر ہوسکتی ہیں ، جن میں مقتضائے حال کی مطابقت کو پیش نظر رکھا گیا ہے اور جو صحابہ کرام رضی اللہ عنہم آپ صلی اللہ علیہ وسلم کے ان سے خطاب کے وقت موقع پر موجود تھے ان کے پاس آپ صلی اللہ علیہ وسلم نے سننے کا لفظ استعمال کیا اور جب آپ صلی اللہ علیہ وسلم ان سے نہ مخاطب تھے اور نہ وہ سن رہے تھے وہاں حضرت عائشہ رضی اللہ عنہا کے پاس علم کا لفظ ذکر کیا ہے۔ قلیب بدر کے بارے میں حدیث عمر رضی اللہ عنہ پر عائشہ صدیقہ رضی اللہ عنہا کے منہج اِستدراک اور ان کے مابین اختلافِ تنوع کی تطبیق وتوفیق آپ ملاحظہ فرماچکے ہیں ۔ اِستدراک عائشہ رضی اللہ عنہا سے نہ توصحیح سند کے ساتھ ثابت ہونے والی روایت کا انکا ر لازم آتا ہے اور نہ ہی اس کے خلافِ قرآن ہونے کی دلیل ہاتھ آتی ہے۔ خود حضرت عائشہ رضی اللہ عنہا نے اس حدیث کی ایسی توجیہہ بیان فرمائی ہے کہ جس سے بظاہر نظر آنے والا تعارض ختم ہوکر رہ جاتا ہے۔ اگر ان کا مقصد حدیث رسول صلی اللہ علیہ وسلم کو مراد قرآن کے خلاف ثابت کرنا ہوتا تو ہمارے خیال میں جو اعتراض سیدہ عائشہ رضی اللہ عنہا قرآنی آیت کی روشنی میں حدیث ِعمر رضی اللہ عنہ پر کررہی ہیں بالکل وہی اعتراض ان کی توجیہہ پربھی صادق آتا، کیونکہ دونوں روایتوں کا باہمی اختلاف لم یسمعوا اور لم یعلموا کے الفاظ میں ہے ۔حدیث مبارکہ میں لم یسمعوا کے الفاظ حضرت عمر رضی اللہ عنہ نے، جبکہ لم یعلموا کے الفاظ حضرت عائشہ رضی اللہ عنہا نے نقل فرمائے ہیں ،لیکن حضرت عائشہ رضی اللہ عنہا کے ان ا لفاظ سے رسول اللہ صلی اللہ عليہ وسلم کے خطاب پر خود انہی کی طرف سے کیے جانے والے اعتراض کا تسلی بخش جواب فراہم نہیں ہوتا ہے، کیونکہ اصل سوال رسول اللہ صلی اللہ عليہ وسلم کے مردوں کے خطاب پر تھا، نہ کہ قلیب بدر کی موجودہ حالت پر۔ مزید برآں اس کی توجیہہ لم یسمعوا سے کریں یا لم یعلموا سے، سوال اپنی جگہ بہرحال برقرار رہتا ہے۔ معلوم ہوتا ہے کہ اگر عائشہ صدیقہ رضی اللہ عنہا قرآن کے حدیث سے تعارض کی نشاندہی کرنا چاہتی تھیں تو وہ تعارض خود ان کے بیان کردہ الفاظ میں پایا جاتا ہے۔ کیا اس قدر باریک بین نگاہ رکھنے والی ام المومنین حضرت عائشہ رضی اللہ عنہا کو اپنی روایت کے الفاظ کا خلاف قرآن ہونا سمجھ نہ آیا۔ نیز حقیقت بھی یہی ہے کہ عائشہ صدیقہ رضی اللہ عنہا کا مقصد آئندہ دور میں کسی بھی وقت سر اٹھانے والے اس فتنہ کی سرکوبی کرنا تھاکہ حدیث اور قرآن میں تعارض بھی ہوسکتا ہے،بلکہ جمع وتطبیق کے ذریعے سے اس کی کئی پہلوؤں سے قابل قبول توجیہہ کی جاسکتی ہے ۔جس کی بنیاد پر کسی ایک دلیل کو مرجوح یا منسوخ قرار دے کر ترک کرنے کی بجائے دونوں روایتوں پر عمل کیا جاسکے۔ مسئلہ سماع موتی جہاں تک ام المؤمنین رضی اللہ عنہا کا سماع موتی کے باب میں آیت قرآنی ﴿اِنَّکَ لاَ تُسْمِعُ الْمَوْتٰی﴾ کو پیش کرنے کا تعلق ہے تو یہ بھی انکار حدیث کی غرض سے نہیں ہے، بلکہ اس حدیث کی وجہ سے یہ آیت پیش کی ہے جس کا انہیں علم تھا اور وہ لقد علموا کے الفاظ پرمشتمل تھی۔ورنہ یہی آیت رسول اللہ صلی اللہ علیہ وسلم کے سامنے بھی پیش کی گئی تھی اور آپ صلی اللہ علیہ وسلم نے اسے اپنے فرمان کے خلاف نہیں سمجھا تھا، جیساکہ مسند احمد میں ہے: أن رسول اللّٰہ صلي اللّٰه عليه وسلم ترک قتلی بدر ثلاثۃ أیام حتی جیفوا ثم أتاھم فقام علیہم فقال یا أمیۃ بن خلف یا أبا جہل بن ہشام یاعتبۃ بن ربیعۃ یا شیبۃ بن ربیعۃ ہل وجدتم ما وعدکم ربکم حقا فانی قد وجدت ما وعدنی ربی حقا قال فسمع عمر صوتہ فقال یارسول اللّٰہ صلي اللّٰه عليه وسلم أتنا دیھم بعد ثلاث وھل یسمعون یقول اللّٰہ عزوجل:
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter