Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

353
﴿إِنَّکَ لَا تُسْمِعُ المَوْتَیِ﴾ فقال: والذی نفسی بیدہ ماأنتم بأسمع منہم ولکنہم لا یستطیعون ان یجیبوا ۱۱؎ ’’نبی اکرم صلی اللہ علیہ وسلم نے بدر کے مرداروں کو تین دن تک چھوڑے رکھا، اس کے بعد ان کے پاس آکر کھڑے ہوگئے اور فرمایا اے امیہ، اے ابوجہل، اے عتبہ اور شیبہ ، ربیعہ کے بیٹو! تم سے تمہارے رب نے جو وعدے کئے تھے وہ سچ نکلے یا نہیں ؟ مجھ سے تو میرے رب نے جو کچھ فرمایا برحق ثابت ہوا، جب حضرت عمررضی اللہ عنہ نے آپ صلی اللہ علیہ وسلم کی آواز سنی تو کہا کہ اے اللہ کے رسول صلی اللہ علیہ وسلم ! آپ تین دن کے بعد انہیں آواز دے کربلا رہے ہیں !! کیا یہ سنتے ہیں ، حالانکہ اللہ تعالیٰ کا فرمان ہے: ﴿اِنَّکَ لاَ تُسْمِعُ الْمَوْتیٰ﴾ یعنی آپ صلی اللہ علیہ وسلم مردوں کو نہیں سنا سکتے، تو رسول اللہ صلی اللہ علیہ وسلم نے فرمایا کہ قسم ہے اس ذات باری تعالیٰ کی جس کے ہاتھ میں میری جان ہے، یہ تمہاری طرح سن رہے ہیں لیکن یہ جواب نہیں دے سکتے۔‘‘ قابل غور بات یہ ہے کہنبی اکرم صلی اللہ علیہ وسلم نے اس آیت کریمہ کے پیش ہونے پر اپنی حدیث سے رجوع نہیں فرمایاکیونکہ یہ آیت حدیث مذکورکے خلاف نہیں ہے، لہٰذا حضرت عائشہ رضی اللہ عنہا اس آیت کی بنا پر حدیث نبوی کاانکار کیونکر کرسکتی ہیں ؟ اس حدیث میں رسول اللہ صلی اللہ علیہ وسلم کا قلیب بدر پر کھڑے ہو کر مقتول کافروں کے ساتھ خطاب کرنے سے یہ بھی پتہ چلتا ہے کہ اللہ تعالیٰ اپنے رسول صلی اللہ علیہ وسلم کی باتیں ان تک پہنچا رہے تھے اور وہ منکر آپ صلی اللہ علیہ وسلم کے خطاب کو سن کر ذہنی اذیت اٹھا رہے اور اپنے انکار پر نادم ہورہے تھے اور صحابہ کرام رضی اللہ عنہم کے سوال اتکلم قوما موتیٰ سے بھی اس کی تائید ہوتی ہے۔ قرآن کریم کی آیت ﴿إن اللّٰہَ یُسْمِعُ مَنْ یَّشَآئُ وَمَا أَنْتَ بِمُسْمَعٍ مَّنْ فِیْ الْقُبُوْرِ﴾ ۱۲؎ یعنی ’’ اے نبی صلی اللہ علیہ وسلم ! آپ تو قبروں میں جانے والوں کو نہیں سنا سکتے لیکن اللہ تعالیٰ جسے چاہے آپ کی بات سنا سکتا ہے‘‘ سے بھی اسے تقویت حاصل ہوتی ہے۔ غرضیکہ حضرت عائشہ صدیقہ رضی اللہ عنہا کے حوالے سے جس چیز کی نفی کرنے کی کوشش کی جاتی ہے خود حدیث عائشہ رضی اللہ عنہا سے اس کا اثبات ہورہا ہے۔ 2۔ حضرت عمر رضی اللہ عنہ کی بیان کردہ یہ روایت جب حضرت عائشہ صدیقہ رضی اللہ عنہا کے سامنے پیش کی گئی کہ((إن المیت لیعذب ببکاء أھلہ علیہ)) تو فرمایا: یرحم اللّٰہ عُمَرَ،لا واللّٰہ ما حدث رسول اللّٰہ صلي اللّٰه عليه وسلم إن اللّٰہ یعذب المؤمن ببکاء أحد ولکن قال إن اللّٰہ یزید الکافر عذابا ببکاء أہلہ علیہ قال وقالت عائشۃ حسبکم القرآن: ﴿ وَلاَ تَزِرُ وَازِرَۃٌ وِّزْرَأُخْریٰ ﴾ ۱۳؎ ’’ اللہ تعالیٰ عمر رضی اللہ عنہ پر رحم فرمائے، بخدا رسول اللہ نے یہ نہیں فرمایا ہوگا کہ اللہ تعالیٰ مومن کو کسی کے رونے کی وجہ سے عذاب دیتے ہیں ۔ رسول اللہ صلی اللہ علیہ وسلم نے یہ بات مومن کے بجائے کافر کے بارے میں فرمائی ہوگی۔ پھر فرمایا: ’’تمہیں قرآن کافی ہے۔قرآن میں ارشاد باری تعالیٰ ہے:﴿ وَلاَ تَزِرُ وَازِرَۃٌ وِّزْرَأُخْریٰ ﴾ کوئی جان دوسری جان کا بوجھ نہیں اٹھائے گی۔‘‘ اعتراض حضرت عائشہ صدیقہ رضی اللہ عنہا کے اِستدراک سے قرآن وسنت میں بظاہر جو تعارض نظر آتا ہے اس سے بعض علمائے احناف نے یہ اعتراض اٹھایا ہے کہ حدیث میں میت کو اس کے اہل وعیال کی نوحہ کنانی سے مبتلائے عذاب ہونے کی وعید سنائی گئی ہے، آخر میت کو اس کے اہل وعیال کے عمل کی وجہ سے عذاب کیوں کر ہوسکتا ہے۔ حالانکہ از روئے آیت قرآنی ﴿ وَلاَ تَزِرُ وَازِرَۃٌ وِّزْرَأُخْریٰ ﴾ کی روشنی میں اس کی نفی ہوتی ہے، جس کا تقاضا یہ ہے کہ میت کو نوحہ گری اور گریہ زاری سے عذاب نہیں ہونا چاہیے۔ ان کا کہنا ہے کہ قرآن وسنت کا یہی وہ تعارض ہے جس کی طرف حضرت عائشہ صدیقہ رضی اللہ عنہا نے نشاندہی فرمائی اور اس جانب اصحاب رسول صلی اللہ علیہ وسلم کو متوجہ کیا ہے۔
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter