Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

237
والقیاس أیضا مقدم علی خبر الواحد لأن خبر الواحد یجوز علیہ النسخ والغلط والسہو والکذب والتخصیص ولا یجوز من الفساد علی القیاس إلا وجہ واحد، وہو ہل الأصل معلول بہذہ العلۃ أم لا؟ وما جاز علیہ أجہ کثیرۃ مما تبطل علیہ الحجۃ بہ أضعف مما لم یجز علیہ إلا وجہ واحد۲۴؎ ’’قیاس کو بھی خبر واحد پر ترجیح حاصل ہے، کیونکہ خبر واحد میں نسخ، غلطی، بھول، جھوٹ اور تخصیص کے متعدد احتمالات ہیں ، جبکہ قیاس میں کمزوری کا صرف ایک احتمال ہے کہ آیا اصل حکم فی الواقع اس علت پر مبنی ہے؟ اور جس چیز میں ضعف کے احتمالات زیادہ ہوں ، وہ اس چیز کے مقابلہ میں کمزور ہوتی ہے جس میں کمزوری کا صرف ایک احتمال پایا جائے۔‘‘ اصول کا تنقیدی جائزہ روایت کا تعلق چونکہ فقط حس سے ہے اور یہ افراد سے ہی آگے نقل ہوتی ہے، چنانچہ محدثین کرام رحمہم اللہ نے افراد کے لئے عدالت اور حو اس ِظاہرہ سے حاصل ہونے والی شے کی حفاظت و ضبط کے لئے راوی کے لئے درست حافظہ اور اس کے ضابط ہونے کو مشروط ٹھہرایا ہے۔ چنانچہ روایت میں کسی بھی راوی کے لئے بنیادی و انتہائی شروط دو ہی ہیں:عدالت ، ضبط۔ اور کوئی تیسری شرط عائد کرنا عقلی طور پر مناسب ہی نہیں کیوں کہ خبر کا تعلق حس سے ہے اور حس سے متعلق اشیاء کا تعلق یاد داشت و نقل کے حوالے سے فقط حافظے سے ہی ہوتا ہے۔ بنا بریں تمام محدثین کرام رحمہم اللہ کا اس بات پر اتفاق ہے کہ المسنِد (روایت اپنی سند سے بیان کرنے والا راوی) کے لئے کوئی لازمی نہیں ، اسے روایت کے معنی پر بھی تفقُّہ حاصل ہو،کیونکہ خبر کی محفوظیت کا تعلق فقط حافظے سے ہے۔ ۲۵؎ بعض لوگ ’درایت‘ کا نام لے کر احادیث نبویہ صلی اللہ علیہ وسلم کو ناقابل عمل اور ناقابل قبول گردانتے ہیں ، حالانکہ دین میں اصل صرف دو چیزیں ہیں:کتاب اللہ اور حدیث نبوی صلی اللہ علیہ وسلم ، ان کے سوا ہر چیز کو ان پرپیش کیا جائے گا۔ ٭ حافظ ابن حجر رحمہ اللہ (م ۸۵۲ھ)فرماتے ہیں : الکتاب والسنۃ فی الحقیقۃ ھما الأصل والاخران مردودان إلیہما، فالسنۃ أصل والقیاس فرع فکیف یرد الأصل بالفرع ۲۶؎ ’’درحقیقت کتاب و سنت ہی اصل ہیں ، اجماع اور قیاس کو انہی کی طرف لوٹایا جائے گا، جبکہ حدیث اصل اور قیاس فرع ہے تو فرع سے اصل کو کیسے رد کیا جاسکتا ہے؟‘‘ ٭ اِمام ابن سمعانی رحمہ اللہ (م ۴۷۹ھ)کہتے ہیں: ’’صحیح ثابت حدیث مستقل اصل ہے، اسے کسی دوسرے اصل پر پیش کرنے کی ضرورت نہیں ، کیونکہ اس کا غیر اس کے موافق ہو تو ٹھیک اور اگر اس کے خلاف ہو تو قیاس سے حدیث کو ناقابل عمل قرار دینا بالاتفاق مردود ہے اور اس میں بھی کوئی اختلاف نہیں کہ حدیث صحیح، قیاس پر مقدم ہے۔‘‘ ۲۷؎ بنا بریں کسی بھی حدیث کو قیاس پر پیش کرنے کے سے کہیں زیادہ ضروری ہے کہ فقہاء اور مجتہدین کرام رحمہم اللہ کے اجتہادات وقیاسات کی صحت حدیث نبوی صلی اللہ علیہ وسلم سے کروانی چاہیے، ناکہ حدیث نبوی صلی اللہ علیہ وسلم پر ان اصولوں کو مہیمن قراردیا جائے۔ چند روایات کی روشنی میں مذکورہ اصول کا جائزہ اس سلسلہ کی چند روایات درج ذیل ہیں :
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter