Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

139
تو ایک دینی ذمہ داری ہے جس کے لئے تقویٰ کی شرط بہت اہم اور ضروری ہے۔ 5۔ مروّت: اس سے مراد کامل انسانیت ہے، یعنی راوی ٔحدیث کو ایسی خصلتوں سے متصف ہونا چاہئے جو اس کی کمالِ انسانیت پر دلالت کرنے والی ہوں اور صاحب ِمروّت شخص کے لئے ضروری ہے کہ وہ کثرتِ استہزا سے بچنے والا اور دوسروں کا مذاق اڑانے سے پرہیز کرنے والاہو، راستوں میں چلتے پھرتے کھانے پینے سے گریز کرنے والا اور حاجت ِانسانی کے لئے گذرگاہوں کو استعمال کرنے سے اجتناب کرنے والا ہو۔ اور ضبطِ راوی سے مقصود یہ ہے کہ راوی حدیث نے حدیث کو جیسے سنا ہے، ویسے ہی بیا ن کرے اور وہ بیدار مغز ہو۔ غفلت، سستی اور لاپرواہی جیسے عیوب سے بری ہو، لہٰذا ایسے راوی کی حدیث معتبر نہ ہوگی جو تلقین قبول کرنے والا یا شاذ اور منکر روایات بیان کرنے والا ہو، اسی طرح سہو و نسیان اور تساہل کے شکار راوی کی روایت بھی درخورِ توجہ نہیں ہوگی۔ یہ وہ شرطیں ہیں جو کسی راوی میں جمع ہوجانے سے اسے ثقہ مانا جاتاہے اور اس کی بیان کردہ حدیث حجت ہوتی ہے۔‘‘ ۲۹؎ کیا محدثین رحمہم اللہ تحقیق روایت میں عقلی تقاضوں کو ملحوظ نہیں رکھتے تھے؟ قبول حدیث کی مذکورہ شرطوں پر غور کرنے سے بخوبی معلوم ہوجاتا ہے کہ اوّل تا آخر تمام محدثین کرام رحمہم اللہ نے روایت حدیث اور اخذ ِحدیث میں عقل کواستعمال کیا ہے اور کسی بھی حدیث کو تب ہی قبول کیا ہے جبکہ اس میں باقی شروطِ صحت کے ساتھ موافقت ِعقل کی شرط بھی پائی گئی ہے۔ ہاں البتہ انہوں نے آج کل کے تجدد زدہ حضرات کی طرح اپنی ذاتی عقل کو قرآن و سنت پر حاکم نہیں بنایا، کیونکہ یہ مقام اللہ تعالیٰ اور رسول اللہ صلی اللہ علیہ وسلم کے علاوہ کسی کو حاصل نہیں ہے، ورنہ علمائِ حدیث نے تحمل حدیث اور ادائے حدیث میں عقل کی تقاضوں کو نظر انداز نہیں کیا۔ ٭ ڈاکٹر محمد مصطفی اعظمی حفظہ اللہ فرماتے ہیں : ’’إن المحدثین راعوا العقل فی أربعۃ مواطن: 1۔ عند السماع 2۔ عند التحدیث 3۔ عند الحکم علی الرواۃ 4۔ عند الحکم علی الأحادیث۔ محدثین کرام رحمہم اللہ نے چار مقامات پر عقل کو استعمال کیا ہے اور کسی بھی حدیث کوغوروفکر کے بعد ہی قبول کیا ہے: تحمل حدیث کے وقت: لہٰذا ضروری ہے کہ راوی اخذ حدیث کے وقت صاحب ِتمیز ہو اور جو اس نے سنا ہے، اسے یاد رکھنے والاہو، بنا بریں ثقہ رواۃ جب کوئی حدیث سنتے تھے جس کی صحت کو تسلیم کرنا عقلاً محال ہوتا تو ایسی روایت کو وہ ضبط ِتحریر میں نہیں لاتے تھے اور اگر کبھی اسے بیان بھی کرتے تو اس کے ساتھ اس میں پایاجانے والا عیب اور ضعف بھی ذکر کردیتے اور سننے والے کے پاس اس کے ناقابل اعتبار ہونے کی وضاحت کردیتے تھے۔ ادائے حدیث کے وقت: ایسے وقت بھی علماے حدیث عقل و فکر اور صحت ِحدیث کی دیگر متعدد شرطوں پرپورا اُترنے والی حدیث کو ہی ذکر کیا کرتے تھے اور جو روایت ضعیف یا موضوع ہوتی، اسے نقل کرنے سے گریز کیا کرتے تھے۔ رواۃِ حدیث پر محاکمہ کے وقت: قبولِ حدیث کے لئے محدثین رحمہم اللہ کا معیا ربڑا سخت اور دقیق تھا اور وہ باریک بینی کے بعد ہی کسی چیز کو قبول کرتے تھے۔ اور اگر کسی راوی میں کوئی عیب اور ایسا نقص پایا جاتا جو اس کی حدیث قبول کرنے سے مانع ہوتا تو اس کی روایت کو ناقابل اعتبار سمجھ کر ردّ کردیتے تھے۔ حدیث پر صحت و سقم کا حکم لگاتے وقت: اس وقت بھی محدثین رحمہم اللہ نے عقل کو اس کا پورا حق دیا ہے۔ ہمارا مقصود اس بات کا اظہار ہے
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter