Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

136
میں آگئے۔ جیسے اِمام مالک رحمہ اللہ (م ۱۷۹ ھ)، سفیان ثوری رحمہ اللہ (م ۱۶۱ ھ) اور شعبہ رحمہ اللہ (م ۱۶۰ ھ)، ان کے بعد عبداللہ بن مبارک رحمہ اللہ (م ۱۸۱ ھ) ، یحییٰ بن سعید قطان رحمہ اللہ (م ۱۹۸ ھ)، عبدالرحمن بن مہدی رحمہ اللہ (م ۱۹۸ ھ) اور اِمام شافعی رحمہ اللہ (م ۲۰۴ ھ) اور ان کے بعد یحییٰ بن معین رحمہ اللہ (م ۲۳۳ ھ)، علی بن مدینی رحمہ اللہ (م ۲۳۴ ھ)اور اِمام احمد رحمہ اللہ (م ۲۴۱ ھ) جنہوں نے سند ِحدیث کے ساتھ متن حدیث کی تنقید کو بھی پیش نظر رکھا ہے۔ اور غافل راوی کو جو صحیح اور غلط میں تمیز نہ کرسکے، انہوں نے مجروح ا ورناقابل اعتبار راویوں میں شمار کیا ہے۔ نقد متن اور محدثین کرام رحمہم اللہ اِس کے بعد علمائے مصطلح الحدیث کا دور آیا اور انہوں نے صحیح حدیث کی ایسی جامع تعریف کی جو سند کے ساتھ نقد ِمتن کی شرطوں پر مشتمل ہے اور یہ سب چیزیں اس بات کی دلیل ہیں کہ محدثین کرام رحمہم اللہ نے سند کی تحقیق کے ساتھ ساتھ متن حدیث کو بھی مکمل تحقیق کے بعد قبول کیا ہے۔ ٭ اس حوالے سے مولانا مودودی رحمہ اللہ (م ۱۴۰۰ ھ) ’ترجمان القرآن‘ کے شمارہ، دسمبر۱۹۵۸ء کے صفحہ ۱۶۸ اور ۱۶۹ پرلکھتے ہیں : ’’جو سنتیں اَحکام کے متعلق تھیں ان کے بارے میں پوری چھان بین کی گئی۔ سخت تنقید کی چھانیوں سے ان کو چھانا گیا۔ روایت کے اصولوں پر بھی ان کو پرکھا گیا اور درایت کے اصولوں پر بھی اور وہ سارا مواد جمع کردیا، جس کی بناء پر کوئی روایت مانی گئی یا رد کردی گئی تاکہ بعد میں بھی ہر شخص اس کے رد قبول کے متعلق تحقیقی رائے قائم کرسکے۔‘‘ بنا بریں صحت ِروایت کے لئے محدثین کرام رحمہم اللہ کے ہاں سند اور متن دونوں کو تحقیق روایت میں مد نظر رکھا جاتا ہے اور یہ باور کرنا مشکل ہے کہ وہ اسانید ِحدیث کی تنقید پر زور دیتے رہے ہوں اور متونِ حدیث کو تنقیدی نگاہ ڈالے بغیر ہی قبول کرلیتے ہوں ، جبکہ متن کی تنقید، سند کی بہ نسبت بہت آسان ہے، کیونکہ اسانید کے رموز و اسرار سے واقفیت محدثین رحمہم اللہ کے علاوہ کسی کے لئے ممکن نہیں ہے، تویہ کیونکر ہوسکتا ہے کہ متن حدیث کی تنقید محدثین کرام رحمہم اللہ کی عقابی نگاہوں سے اوجھل رہ جائے۔ ۲۶؎ محدثین کرام رحمہم اللہ نے صحیح حدیث کی تعریف ہی ایسی پیش کی ہے جو سند اور متن دونوں کی تحقیق و تنقید پر مشتمل ہے۔ علوم حدیث کی معروف و مشہور کتاب ’مقدمہ ابن صلاح‘ میں صحیح حدیث کی تعریف ملاحظہ ہو : أما الحدیث الصحیح فھو الحدیث المسند الذي یتصل إسنادہ بنقل العدل الضابط إلی منتہاہ ولایکون شاذّا ولا معلّلا ۲۷؎ ’’ جس حدیث کونقل کرنے والے تمام رواۃ صاحب ِعدالت اور تام الضبط ہوں ، سند متصل ہو، معلول اور شاذنہ ہو اسے حدیث صحیح کہاجاتا ہے۔‘‘ ٭ محدثین کرام رحمہم اللہ نے صحت حدیث کے لیے جن پانچ شرائط کو بطور خاص ذکر فرمایا ہے ان میں سے پہلی تین کا تعلق بنیادی طور پر اگرچہ سند کے ساتھ ہے ، تاہم سند چونکہ بذات خود کوئی مقصود نہیں ہوتی، لہٰذا یہ کاوش اپنے نتیجہ کے اعتبار سے بالآخر تحقیق متن پر ہی منتج ہوتی ہے، کیونکہ دراصل سند سے متعلقہ یہ شرائط بھی متن حدیث تک رسائی حاصل کرنے کا ایک ذریعہ ہیں ۔اس کے بالمقابل باقی دو شرطوں :عدمِ شذوذ، عدمِ علت کا براہ راست تعلق تحقیق ِمتن سے ہے، البتہ یہ دوسری بات ہے کہ متن میں پائے جانے والی کمزوری پر واقفیت کے بعد محدثین کرام رحمہم اللہ کے ہاں ضعف کی بنیاد پھر بھی راوی ہی بنتا ہے، کیونکہ خبر کے پہنچانے میں وہ مرکزی کردار کا حامل ہے
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter