اللہ صلی اللہ علیہ وسلم نے فرمایا: ’’اس سےپاکی حاصل کرو۔‘‘ اس نے پھر عرض کیا: یا رسول اللہ! میں اس کے ساتھ پاکی کیسے حاصل کروں؟ رسول اللہ صلی اللہ علیہ وسلم نے فرمایا: ’’ اس سے پاکی حاصل کر۔‘‘ حضرت عائشہ رضی اللہ عنہا فرماتی ہیں کہ میںنےرسول اللہ صلی اللہ علیہ وسلم کی منشا کو معلوم کر لیا، چنانچہ میںنے اس عورت کو اپنی طرف کھینچ کر اسے طریقہ سکھا دیا۔[1] حضرت عائشہ رضی اللہ عنہا اللہ تعالیٰ کی عطا کردہ عقل و بصیرت سے رسول اللہ صلی اللہ علیہ وسلم کی غرض کو سمجھ گئیں کہ اس سےمراد اسے اپنے بدن پر پھیر کر اس سےپاکی حاصل کرنا ہے، چنانچہ دوسری حدیث میں اس کی وضاحت ہےکہ رسول اللہ صلی اللہ علیہ وسلم نے حیا کی وجہ سے منہ دوسری طرف کر لیا تو حضرت عائشہ رضی اللہ عنہا نے بتایا کہ مشک لگا ہوا روئی کا ٹکڑا لے کر جہاں جہاں خون کےنشانات ہیں وہاں لگا دو تاکہ ناگواری کے اثرات ختم ہو جائیں۔ [2] حافظ ابن حجر رحمۃ اللہ علیہ لکھتے ہیں:سوال کرنے والی عورت کو اس بات کا علم نہ تھا کہ خون کےنشانات پر خوشبودار روئی کا ٹکڑا پھیرنا وضو کہلاتا ہے، جبکہ اس کے ساتھ خون اور ناگواری کا ذکر ہو، رسول اللہ صلی اللہ علیہ وسلم نےاپنی طبعی حیا داری کی وجہ سے صراحت نہ کی، لیکن حضرت عائشہ رضی اللہ عنہانےاپنی عقل و بصیرت کی بنا پر رسول اللہ صلی اللہ علیہ وسلم کی مراد کو سمجھ لیااور اسےبتا دیا، رسول اللہ صلی اللہ علیہ وسلم نے اپنی خاموشی سے اس کی تائید بھی کر دی، اس قسم کی راہنمائی کو دلالتِ عقلیہ سےتعبیر کیا جاتا ہے۔ [3] امام بخاری رحمۃ اللہ علیہ نےعنوان میں دلالت کے معنی اور اس کی تفسیر کا بھی ذکر کیا تھا، تفسیر کا معنی یہ ہےکہ مکلف و مأمور کو جو حکم دیا گیا ہے اس کی تشریح اس طرح کر دی جائےکہ مامور اس پر عمل کر سکے، جیسا کہ حضرت عائشہ رضی اللہ عنہا نےدرج بالا حدیث میں لفظ ’’توضیٔ‘‘ کی وضاحت کی ہے، دراصل امام بخاری رحمۃ اللہ علیہ کا اس عنوان اور پیش کردہ احادیث سے یہ مقصود ہےکہ قرآن و حدیث کی نصوص سےاحکام معلوم کرنے کےکئی ایک طریقے ہیں، محدثین کرام نے عام طور پر چار طریقوں کی نشاندہی کی ہےجو حسب ذیل ہے:٭ نص کی عبارت ہی کسی حکم کو بیان کرتی ہو جیسا کہ ارشاد باری تعالیٰ ہے:﴿وَ اجْتَنِبُوْا قَوْلَ الزُّوْرِ﴾[4]’’جھوٹی گواہی سے اجتناب کرو۔‘‘ اس نص کی عبارت سےہی پتہ چلتا ہےکہ جھوٹی گواہی دینا حرام ہے۔ اسے عبارۃ النص کہتے ہیں۔٭ نص کےالفاطمیں کسی دوسرے حکم کا اشارہ ملتا ہو جیسا کہ ارشاد باری تعالیٰ ہے:﴿وَ شَاوِرْهُمْ فِي الْاَمْرِ١ۚ﴾[5]’’آپ ان سےمشورہ کریں۔‘‘ اس نص کی عبارت میںاشارہ ہےکہ امتِ مسلمہ میںمجلس مشاورت ہونی چاہیے جس سے اہم معاملات میں مشورہ کیا جا سکے