Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

182
تمہید مسلمان ہونے کے ناطے سے ہر انسان کے عقیدے میں یہ بات لازم ہے کہ وہ شریعت یعنی قرآن وسنت کی اتباع کرے اور جب کوئی حکم رب ذو الجلال سے اسے مل جائے تو اسے ہر چیز پر مقدم جانے۔ اللہ تعالیٰ نے انسان کو فہم شریعت کے لئے اور پھر اس پر عمل کرنے کے لئے عقل جیسی دولت سے نوازا ہے ، لیکن یہ نعمت اس لئے نہیں عطا کی گئی کہ انسان اس کے ذریعے احکامات ِالہیہ کا رد شروع کر دے۔ عقل کی مثال آنکھ کی سی ہے اور وحی الٰہی سورج کی مثل ہے، آنکھ کے لئے ضروری ہے کہ وہ سورج کے تابع رہ کر اس کی روشنی سے فائدہ اٹھائے، لیکن اس کے لئے یہ گنجائش نہیں ہے کہ وہ نظامِ شمسی کے کسی جزء پراعتراض اٹھائے اور اس میں کیڑے نکالنے کی کوشش کرے، ورنہ قصور آنکھ کا ہوگا نہ کہ نظام شمسی کا،کیونکہ آنکھ اگر نظامِ شمسی کے بعض اجزا کا اِدراک کرسکتی ہے تو اس کے اکثر اجزا کی حقیقت معلوم کرلینا اس کے بس کا روگ نہیں ہے۔ بالکل اسی طرح عقل کا کام بھی یہ ہے کہ وہ وحی الٰہی(قرآن و حدیث) کے تابع رہ کر ا س کی ضیا پاشیوں سے مستفید ہو۔ وحی کے ذکر کردہ اَحکام کی حکمتوں کو معلوم کرنے کا اختیار بھی اسے حاصل ہے، لیکن عقل کو وحی پر حکمران بننے یا وحی کے بعض اجزا کا انکار کرنے کی اجازت اسے نہیں دی گئی۔ لہٰذا انکارِحدیث کی صورت میں بھی قصور عقل کا ہوتا ہے، وحی کا نہیں ۔ یہ بات طے شدہ ہے کہ شریعت ِاسلامیہ میں عقل فہم شریعت میں توانسان کے لئے حجت ہے،لیکن شریعت سازی یا انکار شریعت میں یہ حجت نہیں ۔ چنانچہ عقل سے استفادہ کرنے سے تومجالِ انکار نہیں ، کیونکہ یہ اللہ تعالیٰ کی عظیم نعمت ہے جس سے انسان اور حیوان میں فرق ہوتا ہے۔ اللہ تعالیٰ اور رسول اللہ صلی اللہ علیہ وسلم کا خطاب ہے ہی عقل والوں کے لئے،بے عقل یا مجنون اس کااہل نہیں ہے۔ اہل عقل ہی اس سے فائدہ اٹھاتے ہیں اور علماے حدیث نے بھی روایت ِحدیث میں اس سے بھرپور فائدہ اٹھایا ہے، لیکن اسے اپنے مقام سے آگے نہیں بڑھنے دیا اور اسے کسوٹی مان کر اس پر کلامِ نبوت کو پیش کرنے کی جسارت نہیں کی، ہاں عقل کو اس کا حق ضرور دیا ہے اور ہر حدیث کو خوب چھان پھٹک کر قبول کیا ہے۔ اس سے یہ بات پایۂ ثبوت کو پہنچ جاتی ہے کہ عقل، حدیث نبوی صلی اللہ علیہ وسلم پر حاکم نہیں ہے اور نہ ہی اسے قرآن و حدیث کی طرح شرعی حجت تسلیم کیا جاسکتا ہے۔ لہٰذا حدیث ِنبوی صلی اللہ علیہ وسلم کو مخالفت ِعقل یا مخالفت ِقیاس وغیرہ دعوے سے ردّ کرنا ہی خلافِ عقل ہے اور جو لوگ اس اُصول کو صحیح مانتے ہیں ، ان کے اس طرز عمل کو دلیل بناتے ہوئے بعد میں آنے والے فتنہ گروں نے انکار ِحدیث کے دروازے کھول لیے ہیں ۔ اوّلین یہ لوگ اس قسم کے اصولوں کو حدیث نبوی صلی اللہ علیہ وسلم پر آزما رہے ہیں اور اپنی عقل کے خلاف آنے والی ہر حدیث کو ردّ کر رہے ہیں اور اس کے بعد یہی لوگ یا ان کے ہونے والے جانشین ایسے ’اُصول‘ قرآنی آیات پرمنطبق کریں گے اور کتابِ الٰہی کا بھی وہی حشر کریں گے جوکلامِ نبوی کا کر رہے ہیں ۔ نہایت واضح رہنا چاہے کہ علم حدیث اور علم فقہ کا ایک دوسرے سے چولی دامن کا ساتھ ہے اور ان دونوں علوم کے درمیان کوئی منافاۃ نہیں ۔چنانچہ اگر فقہ، حدیث نبوی صلی اللہ علیہ وسلم سے آزاد ہوجائے تو دلیل سے عاری ہوجائے گی، اسی طرح بسااوقات ظاہر روایت پر عمل شارح کے مقصود کے خلاف ہوجاتا ہے۔
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter