Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

133
تصورات کو فنی زبان میں مدون کرکے ہمیشہ کے لیے محفوظ کردیا ہے۔ اصول حدیث کی تعبیرات او راصطلاحات چونکہ اسلاف امت کے فہم شریعت کے ارتقائی مراحل سے گذرتے ہوئے موجودہ مدونہ صورت میں ہمارے پاس پہنچی ہیں ، لہٰذا مناسب معلوم ہوتا ہے کہ ہم نقد روایت میں متن کی تحقیق کے معیار کا ارتقائی مراحل کے اعتبار سے ایک مختصر جائزہ پیش کردیں اور ا س کے بعد تحقیق متن کے سلسلہ میں محدثین کرام رحمہم اللہ کے تفصیلی منہج کا تذکرہ کریں ۔ نقدمتن اور صحابہ کرام رضی اللہ عنہم فن حدیث میں نقد متن کوئی ایسی نئی روایت ہر گز نہیں ہے، جس کو متاخرین نے رواج دیا ہو یا جسے ’بدعت‘ کہا جاسکے، بلکہ نقد متن کی مکمل بنیاد حضرات صحابہ کرام رضی اللہ عنہم سے ملتی ہے، جنہوں نے محدثین کرام رحمہم اللہ سے صدیوں قبل اس کا آغاز کردیا تھا، گویا نقد متن کا سہرا محدثین کرام رحمہم اللہ سے قبل صحابہ کرام رضی اللہ عنہم کے سر ہے، جنہوں نے جب بھی کسی دوسرے صحابی سے رسول اللہ صلی اللہ علیہ وسلم کی نسبت سے کوئی حدیث سنی تو اسے تحقیق کے تمام تر اصولوں کی روشنی میں پرکھ کر ہی قبول کیا۔ اس کے بعد اُمت تک پہنچانے کااہتمام کیا ہے۔ ٭ ڈاکٹر محمد لقمان سلفی حفظہ اللہ لکھتے ہیں : والاہتمام بنقد المتن لم یکن أمر جدّ فی العصور المتأخرۃ ولکن الصحابۃ ھم الذین وضعوا الأسس الأولیۃ لھذا الاہتمام بنقد المتن ۱۳؎ ’’نقد متن کا کام نیا نہیں ہے جو بعد کے ادوار میں شروع ہوا ہو، بلکہ اس کام کا آغاز صحابہ کرام رضی اللہ عنہم نے کیا ہے اور نقد متن کے اہتمام کی بنیادی اینٹ خود انہوں نے رکھی ہے۔‘‘ اس کے بعد ڈاکٹر صاحب حفظہ اللہ نے متعدد مثالوں سے اس بات کی وضاحت کی ہے کہ حضرات صحابہ کرام رضی اللہ عنہم نے نقد متن کوبھی قبول حدیث کے سلسلہ میں مد نظر رکھا ہے۔ ان میں سے ایک مثال یہ پیش کی گئی ہیکہ’’ حضرت عبد اللہ بن عمر رضی اللہ عنہ نے حضرت ابو ہریرہ رضی اللہ عنہ سے مروی حدیث (( من تبع جنازۃ فلہ قیراط)) کو قبول کرنے سے توقف کیا اور اس کے متعلق حضرت عائشہ رضی اللہ عنہا سے پوچھا۔ انہوں نے اس حدیث کی تصدیق فرما دی۔ اس کے بعد حضرت ابن عمر رضی اللہ عنہ نے ابو ہریرہ رضی اللہ عنہ کی حدیث کو قبول فرمالیا اور کہا: ’’ ہم نے تو بہت سے قیراط ضائع کردیے ہیں ۔‘‘ ۱۴؎ صحابہ کرام رضی اللہ عنہم جو نبی اکرم صلی اللہ علیہ وسلم کے تربیت یافتہ اور سفر و حضر میں آپ صلی اللہ عليہ وسلم کی رفاقت کی سعادت سے بہرہ وَر ہونے والے تھے اور انہیں مزاج شناسِ رسول کہا جائے تو بے جا نہ ہوگا، آپ صلی اللہ عليہ وسلم سے علم حدیث اخذ کرنے والے تھے اور سب سے پہلے متن حدیث ان کے ہاتھوں میں پہنچا تھا۔ جس وقت سند یا روایت کا وجود بھی ناپید تھا، صحابہ کرام رضی اللہ عنہم نے اس وقت متن ِحدیث کی تحقیق کا باقاعدہ آغاز فرمایا۔ اس سلسلہ میں صحابہ کرام رضی اللہ عنہم کے متن سے متعلقہ تحقیق کی چند امثلہ حسب ذیل ہیں ، جن سے معلوم ہوتا ہے کہ تحقیق حدیث میں ، تحقیق متن کا کام بھی اتنا ہی پرانا ہے، جتنا کہ سند حدیث کی تحقیق کا۔ البتہ واضح رہے کہ صحابہ رضی اللہ عنہم کے ہاں تحقیق متن کا اسلوب اور نوعیت کیا تھی؟ اس پر مفصل بحث باب ششم کی پہلی فصل میں آئے گی: 1۔ حضرت عائشہ رضی اللہ عنہا نے جب حضرت ابن عمر رضی اللہ عنہ کو یہ فرماتے ہوئے سنا: إن المیت لیعذاب ببکاء أھلہ علیہ ’’ میت کو اس کے گھر والوں کے اس پر رونے کی وجہ سے عذاب دیا جاتا ہے ۔ ‘‘
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter