Maktaba Wahhabi

128 - 166
کتاب "Sirat al-Nabi and the Orientalists" میں کیاہے۔ اس کتاب کوشاہ فہد پرنٹنگ پریس نے شائع کیا ہے۔ ولیم منٹگمری واٹ (William Montgomery Watt) ولیم منٹگمری واٹ William Montgomery Watt (۱۹۰۹۔۲۰۰۶ء) بھی ایک برطانوی مستشرق تھا۔ اسکاٹش چرچ (Scottish Episcopal Church) سے بطور پادری وابستہ رہا۔ اسی طرح ۱۹۶۴ء سے ۱۹۷۹ء تک بطور استاذ علوم اسلامیہ اور عربی زبان، یونیورسٹی آف ایڈنبرا سے بھی وابستہ رہاہے۔ یونیورسٹی آف ٹورنٹو اور جاج ٹاؤن یونیورسٹی میں بھی وزٹنگ پروفیسر رہا ہے۔ اسے آخری مستشرق (The Last Orientalist) کا خطاب بھی دیا گیا۔32 منٹگمری واٹ کی معروف کتب میں سیرت پر دو کتابیں "Muhammad at Mecca" اور "Muhammad at Medina" ہیں جو بالترتیب ۱۹۵۳ء اور ۱۹۵۶ء میں شائع ہوئیں۔ ان دونوں کتابوں کا خلاصہ"Muhammad: Prophet and Statesman" کے نام سے ۱۹۶۱ء میں شائع ہوا۔ اس کے علاوہ کتب میں "Islamic Philosophy and Theology" اور "Islamic Political Thought" شامل ہیں۔33 منٹگمری واٹ بھی مشنری عیسائی ہے۔ اگرچہ اپنی تحریروں میں اللہ کے رسول صلی اللہ علیہ وسلم کی تعریف بھی کرتا ہے لیکن جب سوال آپ کی نبوت اور رسالت کا ہوتا ہے تو وہاں ڈنڈی مارنے سے باز نہیں آتا۔ ایک جگہ اس سوال کا جواب دیتے ہوئے کہ محمد صلی اللہ علیہ وسلم پیغمبر تھے یا نہیں، یہ کہتا ہے کہ وہ تخلیقی نوعیت کے عظیم مفکر اور مصلح تھے جنہوں نے اپنی عرب قوم کو ایک ایسا نظام زندگی دیا جو اس سے بہت بہتر تھا جو ان کے پاس پیغمبر اسلام صلی اللہ علیہ وسلم کی آمد سے پہلے موجود تھا۔ اس کے الفاظ ہیں: Finally, what of our question? Was Muhammad a prophet? He was a man in whom creative imagination worked at deep levels and produced ideas relevant to the central questions of human existence, so that his
Flag Counter