نکاح کے مسائل

حضرت عمران بن حصین رضی اللہ عنہ کہتے ہیں رسول اللہ صلی اللہ علیہ وسلم نے فرمایا ولی ،حق مہر اور دو عادل گواہوں کے بغیر نکاح نہیں ہوتا ۔اسے بیہقی نے روایت کیا ہے۔

عَنِ ابْنِ عَبَّاسٍ رَضِیَ اللّٰہُ عَنْہُمَا قَالَ : لاَ نِکَاحَ اِلاَّ بِبَیِّنَۃٍ۔رَوَاہُ التِّرْمِذِیُّ[1] (صحیح)

حضرت عبداللہ بن عباس رضی اللہ عنہما فرماتے ہیں’’ گواہوں کے بغیر نکاح نہیں ہوتا۔‘‘اسے ترمذی نے روایت کیا ہے۔

مسئلہ 56 نکاح کے بعد کسی جائز طریقے سے نکاح کا اعلان کرنا چاہئے۔

عَنْ مُحَمَّدِ بْنِ حَاطِبٍ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم فَصْلُ مَا بَیْنَ الْحَلاَلِ وَالْحَرَامِ الدَّفُ وَالصَّوْتُ فِیْ النِّکَاحِ ۔رَوَاہُ النِّسَائِیُّ[2]

حضرت محمد بن حاطب رضی اللہ عنہ کہتے ہیں رسول اللہ صلی اللہ علیہ وسلم نے فرمایا ’’حلال اور حرام نکاح کے درمیان فرق کرنے والی چیز دف بجانا اور اس کا اعلان کرنا ہے ۔‘‘اسے نسائی نے روایت کیا ہے۔

مسئلہ 57 شب عروسی بیوی کو ہدیہ دینا مستحب ہے۔

عَنِ ابْنِ عَبَّاسٍ رَضِیَ اللّٰہُ عَنْہُمَا قَالَ : لَمَّا تَزَوَّجَ عَلِیٌّ فَاطِمَۃَ قَالَ لَہٗ رَسُوْلُ اللّٰہِ صلي اللّٰه عليه وسلم (( اَعْطِہَا شَیْئًا )) قَالَ : مَا عِنْدِیْ شَیْئٌ ، قَالَ (( أَیْنَ دِرْعُکَ الْحَطَمِیَّۃُ؟ )) رَوَاہُ اَبُوْدَاؤٗدَ[3] (صحیح)

حضرت عبداللہ بن عباس رضی اللہ عنہما سے روایت ہے کہ جب حضرت علی رضی اللہ عنہ نے حضرت فاطمہ رضی اللہ عنہا سے نکاح کیا تو رسول اللہ صلی اللہ علیہ وسلم نے انہیں کہا ’’علی ! فاطمہ کو کوئی چیز (ہدیہ )دو ۔‘‘حضرت علی رضی اللہ عنہ نے عرض کیا ’’میرے پاس تو کوئی چیز نہیں ۔‘‘آپ صلی اللہ علیہ وسلم نے ارشاد فرمایا ’’وہ تمہاری حطمی زرہ کہاں ہے؟‘‘ (یعنی وہی دے دو)۔‘‘اسے ابوداؤد نے روایت کیا ہے۔

مسئلہ 58 نکاح سے قبل طے کی گئی جائز شرائط پر نکاح کے بعد عمل کرنا واجب ہے۔

عَنْ عُقْبَۃَ بْنِ عَامِرٍ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم ((اَحَقُّ الشُّرُوْطِ اَنْ تُوْفُوْا بِہٖ مَا