| أَہَمِیَّـــــــــــۃُ النِّکَاحِ نکاح کی اہمیت مسئلہ 11 نکاح نہ کرنے والا نکاح کی سنت کے اجر و ثواب سے محروم رہتا ہے۔ عَنْ اَنَسٍ رضی اللّٰه عنہ اَنَّ نَفَرًا مِنْ اَصْحَابِ النَّبِیِّ صلی اللّٰه علیہ وسلم سَأَلُوْا اَزْوَاجَ النَّبِیِّ صلی اللّٰه علیہ وسلم عَنْ عَمَلِہٖ فِی السِّرِّ فَقَالَ : بَعْضُہُمْ لاَ اَتَزَوَّجُ النِّسَائَ وَ قَالَ بَعْضُہُمْ لاَ آکُلُ اللَّحْمَ وَ قَالَ بَعْضُہُمْ لاَ أَنَامُ عَلَی الْفِرَاشِ فَحَمِدَ اللّٰہَ وَاَثْنٰی عَلَیْہِ فَقَالَ ((مَا بَالُ اَقْوَامٍ قَالَ کَذَا وَ کَذَا لٰکِنِّیْ اُصَلِّیْ وَ أَنَامُ وَ أَصُوْمُ وَ اُفْطِرُ وَ أَتَزَوَّجُ النِّسَآئَ فَمَنْ رَغِبَ عَنْ سُنَّتِیْ فَلَیْسَ مِنِّیْ )) رَوَاہُ مُسْلِمٌ[1] حضرت انس رضی اللہ عنہ سے روایت ہے کہ نبی اکرم صلی اللہ علیہ وسلم کے چند صحابہ رضی اللہ عنہ نے ازواج مطہرات رضی اللہ عنہن سے نبی اکرم صلی اللہ علیہ وسلم کی خفیہ عبادت کا حال پوچھا (پوچھنے کے بعد )ان میں سے ایک نے کہا ’’میں عورتوں سے نکاح نہیں کروں گا ۔‘‘کسی نے کہا ’’میں گوشت نہیں کھاؤں گا۔‘‘ کسی نے کہا ’’میں بستر پر نہیں سوؤں گا۔‘‘(نبی اکرم صلی اللہ علیہ وسلم کو معلوم ہوا تو )آپ صلی اللہ علیہ وسلم نے اللہ تعالی کی حمد و ثنا کی اور فرمایا ’’ان لوگوں کو کیا ہوا جنہوں نے ایسی اور ایسی باتیں کہیں جب کہ میں (رات کو )نوافل پڑھتا ہوں اور سوتا بھی ہوں (نفلی) روزہ رکھتا ہوں ترک بھی کرتا ہوں اور عورتوں سے نکاح بھی کرتا ہوں پس جو شخص میرے طریقہ سے منہ موڑے گا وہ مجھ سے نہیں۔‘‘ اسے مسلم نے روایت کیا ہے۔ مسئلہ 12 نکاح نہ کرنے سے معاشرے میں زبردست فتنہ و فساد برپا ہو گا ۔ عَنْ اَبِیْ ہُرَیْرَۃَ رضی اللّٰه عنہ قَالَ : قَالَ رَسُوْلُ اللّٰہِ صلي اللّٰه عليه وسلم ((اِذَا خَطَبَ اِلَیْکُمْ مَنْ تَرْضَوْنَ دِیْنَہٗ وَ خُلُقَہٗ فَزَوِّجُوْہُ اِلاَّ تَفْعَلُوْہُ تَکُنْ فِتْنَۃٌ فِی الْاَرْضِ وَ فَسَادٌ عَرِیْضٌ )) رَوَاہُ التِّرْمِذِیُّ[2] (حسن) حضرت ابو ہریرہ رضی اللہ عنہ کہتے ہیں رسول اللہ صلی اللہ علیہ وسلم نے فرمایا ’’جب ایسا شخص تمہارے پاس نکاح کا |