Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

ایک ضروری وضاحت یہاں ایک سوال ذہن میں یہ پیدا ہوسکتا ہے کہ باب کا نام ہے: ’’اِسنادو متن ....معنی، مفہوم اور ارتقاء‘‘ جبکہ اس باب کی تیسری فصل کا عنوان ہے: ’’ روایت ودرایت....معنی ومفہوم اور مختلف علوم میں ان کا استعمال ‘‘۔ سوال یہ پیدا ہوتا ہے کہ آخر روایت و درایت کا اسناد ومتن کے ساتھ تعلق کیا ہے، کہ درمیان میں اس کے لیے الگ فصل قائم کرنے کی ضرورت پیش آئی۔ اس اشکال کو رفع کرنے کے لیے یہ ضروری معلوم ہوتا ہے کہ فصل کے ابتدا ہی میں اس سوال کا تسلی بخش جواب فراہم کردیا جائے تاکہ فصل کی باب کے ساتھ مناسبت معلوم کرنے میں کوئی دقت پیش نہ آئے۔ ہمارے ہاں جدید معاشرتی اصطلاح میں ’روایت ودرایت‘ کو دراصل ’اسنادومتن‘ کے دوسرے نام کے طور پر استعمال کیا جارہا ہے اور بعض حضرات اس فکر کو بڑے شدو مد سے پروان چڑھانے کی کوشش کر رہے ہیں کہ ’روایت‘ سے مراد ’سند‘ کی تحقیق اور ’درایت‘ سے مراد’ متن‘ کی تحقیق ہے۔ ان کا کہنا ہے کہ محدثین رحمہم اللہ کے وضع کردہ اصول حدیث اپنے دائرہ کار یعنی تحقیق سند میں تو کافی شافی ہیں ، لیکن تحقیق متن پر انہوں نے کوئی خاص توجہ مبذول نہیں کی، بلکہ اس باب میں ان کی کاوش نہ ہونے کے برابر ہے۔ لہٰذا اب تحقیق متن کے چند مسلمہ اصول وضع کردینے چاہئیں جو علم حدیث میں پائی جانے والی تحقیق متن کی اس کمزوری کو ختم کردیں ۔ ہمارے خیال میں ان حضرات کا قائم کردہ مقدمہ اور اس سے اخذ شدہ نتیجہ دونوں ہی ناقابل تسلیم ہیں ۔ نا تو یہ بات درست ہے کہ روایت سے مراد سند کی تحقیق اور درایت سے مرادمتن کی تحقیق ہوتی ہے اور نہ ہی یہ دعوی مبنی بر صواب ہے کہ چونکہ محدثین رحمہم اللہ نے اصول متن وضع کرنے کی طرف کوئی خاطر خواہ توجہ نہیں فرمائی، لہٰذا اس باب میں داد تحقیق دینا چاہیے۔ ہمارے اس دعوی کی ایک معقول وجہ یہ ہے کہ محدثین رحمہم اللہ کے روایت ودرایت کو سند ومتن کی تحقیق کے لیے الگ الگ اصطلاح کے طور پر قطعا استعمال نہیں کیا جاتا تھا۔ کیونکہ اصطلاح ’روایت‘ محدثین کرام رحمہم اللہ کے ہاں سندو متن دونوں کے مجموعے کا نام ہے۔ چناں چہ محدثین کرام رحمہم اللہ جب فرماتے ہیں کہ ہذا حدیث صحیح یا ’’یہ روایت صحیح ہے‘‘ تو ان کی مراد یہ ہوتی ہے کہ اس خبر کو سند ومتن دونوں سے پرکھنے کے بعد اس کی نسبت الی الرسول صلی اللہ علیہ وسلم ثابت قرار پائی ہے۔ یہی وجہ ہے کہ متقدمین آئمہ حدیث کے ہاں روایت کی تعریف میں درایت کا مفہوم شامل ہوتا ہے اور جب وہ کسی حدیث یا روایت پر صحت یا ضعف کا حکم لگاتے ہیں تو وہ سند ومتن ہر دو اعتبار سے ہوتاہے۔ متقدمین آئمہ حدیث نے تحقیق روایت کے لیے جو کتب تصنیف فرمائیں انہیں اصول الروایہ ہی کے نام سے پیش کیا۔ چنانچہ علامہ خطیب رحمہ اللہ کی کتاب کا نام ہے: الکفایۃ فی علم الروایۃ۔ بنا بریں محدثین رحمہم اللہ کے مقرر کردہ اصول حدیث اس قدر جامع تھے کہ ان کے معیار پر پورا اترنے والی ہر حدیث سند ومتن یا بالفاظ دیگر روایت ودرایت ہر دو اعتبار سے قابل اعتماد ہوتی تھی۔ اب ہمارے زمانہ میں چونکہ روایت ودرایت کو مختلف معانی میں استعمال کیا جارہا ہے جس سے خلط مبحث پیدا ہوا چاہتا ہے لہٰذا ضرورت اس امر کی ہے کہ اس اشکال کی پوری پوری وضاحت کردی جائے کہ روایت ودرایت سے مراد کیا ہے؟ اس کا اسناد ومتن کے ساتھ تعلق کیا ہے؟ محدثین کرام رحمہم اللہ کے وضع کردہ اصول حدیث کی نوعیت کیا ہے؟ درایت کے غلط استعمال سے خرابی کیا پیدا ہوتی ہے؟ اور یہ کہ مختلف علوم میں درایت کن معانی میں مستعمل ہے؟ آئندہ صفحات میں انہی سوالات کے تسلی بخش جوابات فراہم کرنے کی کوشش کی گئی ہے۔
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter