Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

کےقائل تک رفع کرنا اسناد کہلاتا ہے ۔ طیبی رحمہ اللہ(م۷۴۳ھ)نے فرمایا ہےکہ حدیث کی صحت اور ضعف کے فیصلہ کے لیے محدثین کرام رحمہم اللہ کےان پر اعتماد کرنےکےاعتبار سےیہ دونوں چیزیں ہم معنی ہیں۔ ابن جماعہ رحمہ اللہ (م۷۳۲ھ) کا قول ہےکہ محدثین کرام رحمہم اللہ سند اور اسناد ایک ہی چیز کے لیے استعمال کرتے ہیں ۔‘‘ ٭ ڈاکٹر محمود طحان حفظہ اللہ نے نقل فرمایا ہے: سلسلۃ الرجال الموصلۃ للمتن۱۲؎ ’’ راویوں کا وہ سلسلہ جو متن ِ حدیث تک پہنچا دے، سند کہلاتا ہے۔ ‘‘ ٭ عبد اللہ شعبان حفظہ اللہ نے سند کی اصطلاحی تعریف ان الفاظ میں کی ہے: ھو سلسلۃ الرواۃ الناقلین الذین استند الراوی إلیہم فی حدیثہ وصولا إلی المتن۱۳؎ ’’سند (روایت) نقل کرنے والے رواۃ کے اس سلسلے کا نام ہے جس پر کوئی محدث اپنی حدیث میں متن تک پہنچنے کیلئے اعتماد کرتا ہے ۔ ‘‘ ٭ عبد الفتاح ابو غدہ رحمہ اللہ سند کی تعریف میں فرماتے ہیں : السند ھو اولئک الرواۃ الناقلون المذکورون قبل متن الحدیث۱۴؎ ’’سند ’روایت‘ نقل کرنے والے اُن رواۃ کا نام ہے جو متن ِحدیث سے قبل مذکور ہوتے ہیں ۔ ‘‘ ٭ ڈاکٹر سہیل حسن حفظہ اللہ نے معجم اصطلاحات حدیث میں ذکر فرمایا ہے: ’’ الإسناد کے دو معنی ہیں : (الف) مصدری معنی ، یعنی حدیث کو اس کے بیان کرنے والے کی طرف سند کے ساتھ منسوب کرنا ۔ (ب) رجالِ حدیث اور راویوں کا تسلسل یعنی متن تک پہنچنے کا ذریعہ ۔ اس اعتبار سے سند اور اسناد دونوں ایک دوسرے کے مترادف ہوتے ہیں ۔ ‘‘۱۵؎ ٭ سند کی اہمیت کے بیان میں امام ابن مبارک رحمہ اللہ (م۱۸۱ھ) کا یہ قول بنیادی حیثیت کا حامل ہے : لولا الاسناد لقال من شاء ما شاء۱۶؎ ’’اگر اسناد نہ ہوتیں تو جو شخص جو چاہتا کہتا پھرتا ۔ ‘‘ ٭ سند کی اہمیت کے بارے میں امام سفیان ثوری رحمہ اللہ (م۱۶۱ھ)کا یہ قول بھی نہایت اہم ہے : الاسناد سلاح المومن إذا لم یکن معہ سلاح فبأي شیء یقاتل۱۷؎ ’’اسناد مومن کا اسلحہ ہے ، اگر اس کے پاس اسلحہ نہیں ہو گا تو وہ کس چیز کے ساتھ قتال کرے گا ۔ ‘‘ ٭ مولانا رفیع عثمانی حفظہ اللہ لکھتے ہیں : ’’روایت حدیث کی کڑی احتیاط ہی کی خاطر محدثین کرام رحمہم اللہ نے سند کی پابندی اپنے اوپر لگائی ہے۔‘‘۱۸؎ سند کی اہمیت وضرورت کے بارے میں مزید اقوال آئندہ فصل میں ملاحظہ فرمائیے ۔ متن کا مفہوم متن کی لغوی و اصطلاحی تعریف ٭ لغوی مفہوم ٭ جمال الدین قاسمی رحمہ اللہ (م۱۳۳۲ھ)رقمطراز ہیں: أخذہ من المتانۃ وھی المباعدۃ فی الغایۃ لأنہ غایۃ السند أو من مَتَنْتُ الکبشَ إذا شققت جلد بیضۃ
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter