Maktaba Wahhabi

علم حدیث میں اسناد و متن کی تحقیق کے اصول محدثین اور فقہاء کے طرز عمل کی روشنی میں

مؤلف: حافظ حمزہ مدنی

ناشر: شعبہ علوم اسلامیہ، دی اسلامیہ یونیورسٹی آف بہاولپور

سال شائع: 2008ء

’’جان لو کہ (اللہ تمہیں توفیق دے) جو شخص صحیح اور ضعیف حدیث میں تمیز کرنے کی قدرت رکھتا ہو اور ثقہ اور متہم راویوں کو پہچانتا ہو اس پر واجب ہے کہ صرف وہ حدیث روایت کرے جس کی اصل صحیح ہو اور اسے نقل کرنے والے وہ لوگ ہوں جن کا عیب فاش نہ ہو اور وہ ان لوگوں کی روایت سے بچے جن پر تہمت لگائی گئی ہے یا جو ہٹ دھرم بدعتی ہیں اور یہ جو کچھ ہم نے کہاہے اس کی دلیل اللہ تعالیٰ کا یہ فرمان ہے کہ ’’ اے ایمان والو ! اگر تمہارے پاس کوئی فاسق خبر لے کر آئے تو تحقیق کر لیا کرو ، ایسا نہ ہو کہ تم کسی قوم کو نادانی میں تکلیف پہنچاؤ ، پھر تمہیں اپنے کیے پر بچھتانہ پڑے ۔‘‘ ٭ ایک دوسرے مقام پر ارشاد باری تعالیٰ ہے: ﴿ قُلْ أَرَأَیْتُم مَّا تَدْعُونَ مِن دُونِ اللّٰہ أَرُونِی مَاذَا خَلَقُوا مِنَ الْأَرْضِ أَمْ لَھُمْ شِرْکٌ فِی السَّمَاوَاتِ ائْتُونِی بِکِتَابٍ مِّن قَبْلِ ھَذَا أَوْ أَثَارَۃٍ مِّنْ عِلْمٍ إِن کُنتُمْ صَادِقِینَ﴾۷؎ ’’کہو کہ بھلاتم نے ان چیزوں کو دیکھا ہے جن کو تم اللہ کے سوا پکارتے ہو ۔ مجھے بھی دکھاؤ کہ انہوں نے کونسی زمین پیدا کی ہے یا آسمان میں ان کی شرکت ہے ۔ اگرسچے ہو تو اس سے پہلے کی کوئی کتاب میرے پاس لاؤ یا علم (انبیاء) میں سے کچھ منقول چلا آ رہا ہو تو اسے پیش کرو ۔‘‘ اس آیت میں أثارۃ کی اصل ’ اثر ‘ ہے جس کے معنی ’روایت ‘ ہیں ۔ اس کے مستعمل مصدر تین ہیں:أثرۃٌ ، أثارۃٌ اور أثر۔ لغت کی معروف کتاب قاموس میں ہے: الأثرۃ،المکرمۃ المتوارثۃ کالماثرۃ والمأثرۃ والبقیۃ من العلم تؤثر کالأثرۃ والأثارۃ ۸؎ ’’ اُثرۃ اس وصف کو کہتے ہیں جو آباؤاجداد کی جانب سے اولاد کی طرف منتقل ہوتا چلا آتا ہو ۔ اسی طرح اس بقیہ علم کو بھی کہتے ہیں جو منقول ہوتا چلا آتا ہو جیسا کہ اَثرۃ اور اثارۃ کا مفہوم ہے۔ ‘‘ ٭ لفظ أثارۃکی تفسیر میں امام شوکانی رحمہ اللہ (م ۱۶۵۰ ھ) نے فرمایا ہے : أصل الکلمۃ من الأثر ،وھی الروایۃ یقال:أثرت الحدیث آثرہ وأثرہ وأثارۃ وأثراً:اذا ذکرتہ عن غیرک، وقال عطاء أو شیء تاثرونہ عن نبی کان قبل محمد صلي اللّٰه عليه وسلم قال مقاتل أو روایۃ من علم الانبیاء ۹؎ ’’یہ لفظ اثر کے مادے سے ہے جب کسی دوسرے سے بات نقل کی جائے اسی موقع پر کلمہ آثرت الحدیث ، آثرہ ،أثرہ ، اثارہ اور اثر بولا جاتا ہے ۔ تابعی عطاء رحمہ اللہ (آیت کی توضیح میں ) کہتے ہیں کہ یا کوئی ایسی چیز پیش کرو جس کو تم رسول اللہ صلی اللہ عليہ وسلم سے پہلے کسی نبی سے روایت کرتے ہو ۔ مقاتل مفسر رحمہ اللہ (م ۱۵۰ ھ) کہتے ہیں یا علم الانبیاء میں سے کوئی روایت پیش کرو ۔ ‘‘ معلوم ہوا کہ مذکورہ بالا آیت میں موجود لفظ اثارۃ میں نقل وروایت کا مفہوم بھی داخل ہے اور چونکہ کسی بھی قدیم علم کی روایت رواۃ کے تسلسل کے بغیر برقرار نہیں رہ سکتی اس لیے سند کا اہتمام ضروری ہے اور سند ہی وہ چیز ہے جس کے ذریعے کسی بھی خبر وروایت کی تحقیق وتفتیش کی جا سکتی ہے ۔ ٭ سورۂ نساء میں اللہ تعالیٰ کا ارشاد ہے: ﴿ وَإِذَا جَاء ھُمْ أَمْرٌ مِّنَ الأَمْنِ أَوِ الْخَوْفِ أَذَاعُواْ بِہِ وَلَوْ رَدُّوہُ إِلَی الرَّسُولِ وَإِلَی أُوْلِی الأَمْرِ مِنْھُمْ لَعَلِمَہُ الَّذِینَ یَسْتَنبِطُونَہُ مِنْھُمْ وَلَوْلاَ فَضْلُ اللّٰہِ عَلَیْکُمْ وَرَحْمَتُہُ لاَتَّبَعْتُمُ الشَّیْطَانَ إِلاَّ قَلِیلاً ﴾ ۱۰؎ ’’جب بھی انہیں کوئی امن یا خوف کی خبر ملتی ہے تو وہ اسے مشہور کرنا شروع کر دیتے ہیں ، حالانکہ اگر وہ اسے رسول اللہ ( صلی اللہ علیہ وسلم ) کے اور اپنے میں سے ایسی باتوں کی تہہ تک پہنچنے والوں کے حوالے کر دیتے تو اس کی حقیقت وہ لوگ معلوم کر لیتے جونتیجہ اخذ کرتے ہیں اور اگر اللہ
x
صفحہعنوان
1باب اَوّل اِسنادو متن ....معنی، مفہوم اور ارتقاء
2فصل اَوّل اِسناد ومتن کا معنی ومفہوم اور چند بنیادی اصطلاحات کا تعارف
30فصل دوم اِسناد ومتن کی تحقیق کا اِرتقاء اور نشوونما
31اِسناد ومتن کی تحقیق کا اِرتقاء اور نشوونما.... عہد رسالت صلی اللہ علیہ وسلم میں
35اِسناد ومتن کی تحقیق کا اِرتقاء اور نشوونما.... عہد صحابہ رضی اللہ عنہم میں
39اِسناد ومتن کی تحقیق کا اِرتقاء اور نشوونما.... عہد تابعین رحمہم اللہ میں
39اِسناد ومتن کی تحقیق کا اِرتقاء اور نشوونما.... عہد تبع تابعین رحمہم اللہ میں
41اِسناد ومتن کی تحقیق کا اِرتقاء اور نشوونما .... عہد تدوین میں
57فصل سوم روایت ودرایت معنی ومفہوم اور مختلف علوم میں ان کا استعمال
85باب دوم اِسناد ومتن کی تحقیق کا طریقہ کار محدثین کرام رحمہم اللہ کے اصولوں کی روشنی میں
86فصل اوّل اِسنادِ حدیث کی تحقیق کے محدثانہ اُصول
92بحث اول: راوی کا کردار (عدالت)
104بحث ثانی: راوی کی صلاحیت (ضبط)
112بحث ثالث: اِتصال سند
116بحث رابع: سند میں شذوذ وعلت
128فصل دوم متن ِ حادیث کی تحقیق کے محدثانہ اصول
141بحث اَول : شذوذ فی المتن
148بحث ثانی: علت فی المتن
163بحث ثالث: موضوع احادیث کو پہچاننے کی علامات
181باب سوم اِسناد ومتن کی تحقیق....فقہاے کرام رحمہم اللہ کے اُصول اور ان کا جائزہ
186فصل اوّل فقہائے حنفیہ رحمہم اللہ کے درایتی اصول اور بعض امثلہ کی روشنی میں ان کا جائزہ
228فصل دوم فقہائے مالکیہ رحمہم اللہ کے درایتی اصول اور بعض امثلہ کی روشنی میں ان کا جائزہ
247باب چہارم علم فقہ اور علم حدیث کا باہمی تعلق اور تقابل محدثین اورفقہاء کے طرز عمل کی روشنی میں
248فصل اَوّل علم حدیث اور علم فقہ دو مختلف فنون ِعلم دونوں کا باہمی تعلق اور تقابل
263فصل دوم اہل فقہ اور اہل حدیث کی باہمی کشمکش اسباب، نتائج اور حل
282فصل سوم السنۃ بین أہل الفقہ وأہل الحدیث شیخ محمد الغزالی رحمہ اللہ کی تصنیف کا تنقیدی جائزہ
306باب پنجم دورِ حاضر میں نقد روایت کا درایتی تصور ایک تنقیدی جائزہ
307فصل اول بر صغیر میں نقد روایت میں عقل کی بنیاد پر استخفاف ِحدیث کا آغاز
318فصل دوم جدید تصور درایت اور جدت پسند مفکرین کے درایتی اصول
321مولانا شبلی رحمہ اللہ کے درایتی اصول
324مولانا حمید الدین فراہی رحمہ اللہ کے درایتی اصول
326مولانا اصلاحی رحمہ اللہ اور جاوید غامدی کے درایتی اصول
343باب ششم اِسناد ومتن کی تحقیق میں صحابہ رضی اللہ عنہم اورمحدثین رحمہم اللہ کا منہج چند شکوک وشبہات اور ان کاتنقیدی جائزہ
344فصل اَوّل قبو ل ِحدیث میں صحابہ کا منہج اور ’اِستدراکات صحابہ‘ کی نوعیت
349درایت عائشہ رضی اللہ عنہا کے حوالہ سے چندامثلہ اور ان کا جائزہ
362دیگر صحابہ کے درایتی نقد کی چند مثالیں اور ان کا جائزہ
376فصل دوم چند معروف محدثین رحمہم اللہ کی طر ف منسوب عقلی درایتی اصولوں کی وضاحت
390فصل سوم صحیح بخاری اور صحیح مسلم کی احادیث نبویہ پر محدثین کرام رحمہم اللہ کے حوالے سے پیش کردہ درایتی نقد کی حقیقت
417مراجع ومصادر
Flag Counter