وقف کی اقسام وقف کی اقسام کے بارے چار آراء ہیں ۔۱۔ پہلا قول یہ ہے کہ وقف کی آٹھ اقسام ہیں :۱۔ تام، ۲۔ شبہ تام، ۳۔ ناقص، ۴۔ شبہ ناقص، ۵۔ حسن، ۶۔ شبہ حسن، ۷۔ قبیح، ۸۔ شبہ قبیح۔۲۔ دوسرے قول کے مطابق اس کی تین اقسام ہیں :۱۔ تام، ۲۔ جائز، ۳۔ قبیح ۳۔ ایک قول کے مطابق اس کی صرف دو قسمیں ہیں ۔۱۔ تام، ۲۔ قبیح۴۔ مشہور بات یہ ہے کہ وقف کی چار اقسام ہیں :۱۔ تام مختار، ۲۔ الکافی الجائز، ۳۔ حسن مفہوم، ۴۔ قبیح متروکان کی تفصیل حسب ذیل ہے۔۱۔ تام: یہ وہ وقف ہے جس کا بعد والی آیت سے کوئی تعلق نہیں ہوتا، اور اکثر طور پر یہ آیات کے آخر میں پایا جاتا ہے۔ مثلاً آپ پڑھتے ہیں : ﴿اُولٰٓئِکَ ہُمُ الْمُفْلِحُوْنَ.﴾ (البقرہ: ۵)یہاں وقف کر کے آپ اگلی آیت شروع کرتے ہیں :﴿اِنَّ الَّذِیْنَ کَفَرُوْا سَوَآئٌ عَلَیْہِمْ ئَ اَنْذَرْتَہُمْ اَمْ لَمْ تُنْذِرْہُمْ لَا یَؤْمِنُوْنَ.﴾ (البقرہ: ۶)بسا اوقات یہ وقف فاصلہ ختم ہونے سے پہلے بھی پایا جاتا ہے: ﴿وَجَعَلُوْا اَعِزَّۃَ اَہْلِہَا اَذِلَّۃً﴾ (النمل: ۳۴)یہاں بلقیس کے کلام کے انتہاء پر وقف ہے، پھر اللہ تعالیٰ کے فرمان وَّکَذٰلِکَ یَفْعَلُوْنَ پروقف ہے جہاں آیت کا اختتام ہو رہا ہے۔۲۔ الکافی الجائز: یہ وہ جگہ جہاں لفظ منقطع جب کہ معنی متصل ہو اور اس کی مثالوں میں ہر اس آیت کا اختتام ہے جس میں لام کی آرہا ہو، مثلاً: