دعا کے مسائل

1 عَنْ اَبِیْ سَعِیْدِ نِ الْخُدْرِیِّ رضی اللّٰه عنہ قَالَ : قُلْنَا یَوْمَ الْخَنْدَقِ یَا رَسُوْلَ اللّٰہِ صلی اللّٰه علیہ وسلم ! ہَلْ مِنْ شَیْئٍ نَقُوْلُہٗ فَقَدْ بَلَغَتِ الْقُلُوْبُ الْحَنَاجِرَ، قَالَ((نَعَمْ ! ] اَللّٰہُمَّ اسْتُرْعَوْرَاتِنَا وَ آمِنْ رَوْعَاتِنَا[ قَالَ : فَضَرَبَ اللّٰہُ وُجُوْہَ اَعْدَائِ ہٖ بِالرِّیْحِ فَہَزَمَہُمُ اللّٰہُ بِالرِّیْحِ))رَوَاہُ اَحْمَدُ[1] (صحیح)

حضرت ابوسعید خدری رضی اللہ عنہ کہتے ہیں خندق کے دن ہم نے عرض کیا’’یارسول اللہ صلی اللہ علیہ وسلم ! کیا کوئی چیز ایسی ہے جسے ہم(ان حالات میں)پڑھیں کیونکہ(خوف اور گھبراہٹ کی وجہ سے لوگوں کے)کلیجے حلق کو آگئے ہیں۔‘‘آپ صلی اللہ علیہ وسلم نے ارشاد فرمایا ’’ہاں !کہو((یا اللہ! ہمارے عیوب ڈھانپ لے اور ہمیں گھبراہٹ سے امن دے۔))حضرت ابو سعید خدری رضی اللہ عنہ کہتے ہیں کہ(اس کے بعد)اللہ تعالیٰ نے(تیز)ہوا کے ذریعہ دشمنوں کے منہ پھیر دئیے اور اسی ہوا کے ذریعے اللہ نے انہیں شکست دے دی۔‘‘اسے احمد نے روایت کیا ہے۔

2 عَنْ اَبِیْ مُوْسٰی رضی اللّٰه عنہ اَنَّ النَّبِیَّ صلي اللّٰه عليه وسلم کَانَ اِذَا خَافَ قَوْمًا، قَالَ ] اَللّٰہُمَّ اِنَّا نَجْعَلُکَ فِیْ نُحُوْرِہِمْ وَ نَعُوْذُ بِکَ مِنْ شُرُوْرِہِمْ [ رَوَاہُ اَحْمَدُ وَاَبُوْدَاؤٗدَ[2]

حضرت ابو موسیٰ رضی اللہ عنہ سے روایت ہے کہ نبی اکرم صلی اللہ علیہ وسلم جب کسی قوم سے اندیشہ محسوس کرتے تو فرماتے((یا اللہ! ہم کفار کے مقابلے میں تجھے آگے کرتے ہیں اور ان کے شر سے تیری پناہ مانگتے ہیں۔))اسے احمد اور ابوداؤد نے روایت کیا ہے۔

3 عَنْ اَنَسِ بْنِ مَالِکٍ رضی اللّٰه عنہ قَالَ : کَانَ النَّبِیُّ صلي اللّٰه عليه وسلم اِذَا غَزَا قَالَ ] اَللّٰہُمَّ اَنْتَ عَضُدِیْ وَ نَصِیْرِیْ وَ بِکَ اُقَاتِلُ [ رَوَاہُ اَبُوْدَاؤٗدَ [3] (صحیح)

حضرت انس بن مالک رضی اللہ عنہ سے روایت ہے کہ نبی اکرم صلی اللہ علیہ وسلم جب جنگ کرتے تو یہ دعا مانگتے ’’یااللہ! تو ہی میرا بازو ہے تو ہی میرا مددگار ہے تیرے ہی سہارے میں جنگ کرتا ہوں۔‘‘ اسے ابوداؤد نے روایت کیا ہے۔