تحریک آزادی فکر اور شاہ ولی اللہ رحمہ اللہ کی تجدیدی مساعی
مؤلف: شیخ الحدیث مولانا محمد اسماعیل سلفی رحمۃ اللہ علیہ
ناشر: جامع مسجد مکرم اہلحدیث ماڈل ٹاؤن گوجرانوالہ
سال شائع: مئی 2016ء
مترجم: حافظ شاہد محمود فاضل مدینہ یونیورسٹی
491
وسلم افترا کردند“ (بلاغ المبین، ص:53)” یہ حدیث نذرونیاز جمع کرنے کے لیے مجاوروں نے آنحضرت صلی اللہ علیہ وسلم پر افترا کی ہے۔ “احادیث میں اس کا کوئی ذکر نہیں۔ محدثین اور محققین صوفیہ نے اسے موضوع قراردیا ہے۔ اعتقاد کے مسائل میں بناوٹی روایات سے استدلال کرنالاعلمی کی دلیل ہے۔ ٭ اسی طرح کی ایک روایت اہل بدعت نے اور گھڑی ہے:((فاغیثونی یا عباداللہ))[1](اللہ کے بندو !میری مدد کرو!)یہ الفاظ بھی کسی صحیح حدیث میں نہیں ملے۔ ابویعلی وغیرہ میں قریب قریب اس طرح مرقوم ہیں:((إِذَا انْفَلَتَتْ دَابَّةُ أَحَدِكُمْ بِأَرْضِ فَلَاةٍ فَلْيُنَادِ: يَا عِبَادَ اللهِ احْبِسُوا عَلَيَّ، فان الله في الارض حاضرايحْبِسُوا))[2]”جب تمہارے جانور جنگل میں گم ہوجائیں تو آواز دو کہ اللہ کے بندو!“اسے روک لینا۔ اللہ کا کوئی نہ کوئی بندہ حاضر ہوگا جو انھیں روک لے گا۔ “اس میں تصور اولیاء سے استعانت کا کوئی ذکر نہیں۔ ٭ امام شافعی رحمہ اللہ سے منقول ہے:((اصابني ضيق فدعوت عند قبر ابي حنيفة فاحببت)) (انقضاءص:596)یہ بھی امام شافعی رحمہ اللہ پر افترا ہے:[3] اولاً: امام شافعی رحمہ اللہ جب بغداد آئے تو حضرت امام رحمہ اللہ کی قبر چنداں مشہور ہی نہ تھی۔