تحریک آزادی فکر اور شاہ ولی اللہ رحمہ اللہ کی تجدیدی مساعی

((واما علينا عليه فلم ار من اختار جوازه)) (الشامی:1/937)

”میری نظر میں کوئی ایسا آدمی نہیں جس نے قبر پر عمارت کو جائز کہا ہو۔ “

٭ اس کے بعد حضرت امام ابوحنیفہ رحمہ اللہ سے نقل فرماتے ہیں:

((ذلك، لما رويٰ جابر رضي الله عنه :نهي رسول الله صلي الله عليه وسلم)) (الشامی: 1/937)

”امام صاحب رحمہ اللہ نےفرمایا:قبر پر قبہ یا مکان بنانا منع ہے، جیسے صحیح مسلم میں حضرت جابر رضی اللہ عنہ سے مروی ہے۔ “

٭ علامہ کاسانی”البدائع والصنائع“میں فرماتے ہیں:

((وكره أبو حنيفة البناء على القبر وأن يعلم بعلامة.وكره أبي يوسف الكتابة)) (1/320)

”امام صاحب رحمہ اللہ نے قبر کو بنا کر منع فرمایا اورابویوسف رحمہ اللہ نے کتابت کو۔ “

مسنون زیارت:

جاہلی زیارت اور اس کے متعلق آنحضرت صلی اللہ علیہ وسلم کے ارشادات آپ ملاحظہ فرماچکے، اب مسنون زیارت اور اس کے مقاصد پر غورفرمائیے:

((وعن ابن مسعود رضي الله عنه أنّ رسول الله صلى الله عليه و سلم قال : (كنت نهيتُكم عن زيارة القبور، فزوروها، فإنّها تُزَهِّد في الدُّنيا وتُذَكِّر بالآخرة) )[1] (ابن ماجہ، مسلم، ابوداؤد، ابن حبان، حاکم، ترمذی)

”آنحضرت صلی اللہ علیہ وسلم نے فرمایا:” میں نے تمھیں قبروں کی زیارت سے روکا تھا، اب ان کی زیارت کرو، اس سے دنیا کی رغبت کم ہوتی ہے اور آخرت یاد آتی ہے۔ “