تحریک آزادی فکر اور شاہ ولی اللہ رحمہ اللہ کی تجدیدی مساعی

ان ائمہ کے علاوہ علامہ ابوبکر ابن العربی المالکی فرماتے ہیں:

((ان الحدیث لم یثبت)) (نیل:3/304)

اسی مضمون کی دوسری حدیث سنن ابن ماجہ میں حضرت ابوالدرداء رضی اللہ عنہ سے مروی ہے، جس میں((فَنَبِیُّ اللّٰہِ حَیٌّ یُرْزَقُ)) کی زیادتی مرقوم ہے۔ [1](کتاب الجنائز، ص:119)

شوکانی رحمہ اللہ نے غالباً اس کو بسند جید لکھا [2] اور صاحب تنقیح الرواۃ نے بھی ان کی متابعت میں اس سند کو جید فرمایا ہے، [3] مگر یہ درست نہیں۔ حافظ سخاوی رحمہ اللہ لکھتے ہیں:

((رجاله ثقات لكنه منقطع)) (القول البديع، ص:119)

تعلیق سندھی حنفی علی ابن ماجہ(1/503) میں ہے:

(( منقطع في موضعين، لان عبادة روايته عن ابي الدرداء مرسلة، وزيد بن ايمن عن عبادة مرسلة، قاله البخاري)) [4]

حافظ ابن حجر رحمہ اللہ فرماتے ہیں:

((قال البخاري:زيد بن أيمن عن عبادة مرسل)) (تهذيب:3/398)

امام بخاری کا یہ ارشاد التاریخ الکبیر(2/354، قسم اول، طبع حیدردآباد) میں ہے۔

حضرت ابوالدرداء کی حدیث میں بروایت ابن ماجہ((فَنَبِیُّ اللّٰہِ حَیٌّ یُرْزَقُ)) زائد ہیں۔ [5] حدیث کے الفاظ سے ظاہر ہوتا ہے کہ یہ الفاظ مدرج ہیں۔ مجد بن تیمیہ نے منتقی میں اس زیادتی کا ذکر نہیں فرمایا۔ [6] شیخ عبدالحق محدث دہلوی نے”اشعۃ اللمعات“ میں