| اور ایسے ہی جب یمن کی تاریخ پر گفتگو کرتے ہیں تو ابرھہ حبشی اور سیف بن ذی یزن [1] کا ذکر بھی کرتے ہیں ۔ چنانچہ آپ (۲۷/۳۵۵پر) فرماتے ہیں : ’’ یہ ان لوگوں میں سے تھا جنہوں نے نبی کریم صلی اللہ علیہ وسلم کی بشارت دی تھی۔‘‘ پھر آپ روم اور فارس کے بادشاہوں کی تاریخ بیان کرتے ہیں ۔ اور نبی کریم صلی اللہ علیہ وسلم کی بعثت سے قبل کے عرب کے احوال اور ان کے انحرافات کا تذکرہ کرتے ہیں ۔ اور ایسے ہی سیرت رسول اللہ صلی اللہ علیہ وسلم ؛ سیرت خلفاء راشدین؛ بنو میہ اور بنو عباس کی تاریخ کے ساتھ ساتھ تاتاریوں کے احوال بھی بیان کرتے ہیں ۔ اور بڑی ہی خوش اسلوبی سے اور منفردانداز میں ذکر کردہ احوال پر نقد و جرح کرتے ہوئے ان کی تحلیل بھی کرتے ہیں ۔ تاسعاً: علمی امانت آپ کی علمی امانت کی گواہی آپ کے دشمنوں نے بھی دی ہے۔ مثلاً علی سامی |