| دوسری طرف ارشاد فرمارہا ہے اے نبی صلی اللہ علیہ وسلم آپ قرآن کریم کی شرح وضاحت کریں ان دونوں آیتوں میں صحیح تطبیق یہی ہوسکتی ہے کہ قرآن کی شرح وضاحت بھی اللہ کی طرف سے ہوئی ہے لیکن اسکا ذریعہ نبی صلی اللہ علیہ وسلم ہیں ان دونوں آیتوں میں اللہ تعالیٰ اس بات کو واضح کررہا ہے کہ قرآن کی شرح کی وضاحت ہم کریں گے لیکن اسکو لوگوں کے سامنے آپ صلی اللہ علیہ وسلم نے بیان کرنا ہے قرآن کی یہی شرح وضاحت آپ صلی اللہ علیہ وسلم کی حدیث کہلاتی ہے لہٰذا یہ بات کہنا کہ متن کو دیکھے بغیر شرح کو سمجھنا ناممکن ہے کسی ایسے متن وشرح کے متعلق درست ہے کہ جس میں متن کسی کا ہو اور شرح کسی دوسرے نے کی ہو لیکن قرآن وحدیث کے بارے میں یہ کہنا درست نہیں ہے کیونکہ قرآن اور اسکی شرح(حدیث)دونو ں اللہ ہی کی طرف سے ہے اور ان دونوں کی حفاظت کی ذمہ داری بھی اللہ تعالیٰ نے لی ہے۔ اس ضمن میں غامدی صاحب نے رجم کے واقعات کعب بن اشرف کے قتل کا واقعہ اور مرتد کے قتل سے متعلق حدیث اور ’’امرت ان اقاتل الناس ‘‘جیسی عظیم حدیث کو مثال کے طور پر پیش کیا ہے۔ دراصل ان احادیث میں رجم کی سزا گستاخ رسول کی سزا اور مرتد کی سزا اور جہاد وقتال کے احکامات کا ذکر ہے اور اسی طرح عذاب قبر اور شفاعت کا ذکر ہے۔ اور غامدی صاحب ان تمام چیزوں کے منکر ہیں دراصل غامدی صاحب کی عادت ان لوگوں سے ہٹ کر جو صحیح حدیثوں پر طعن کرتے ہیں وہ لوگ مطلق طور پر صحیح حدیثوں پر اعتراض کرکے اسکا رد کردیتے ہیں اور غامدی صاحب مطلق طور پر صحیح احادیث کا رد نہیں کرتے بلکہ جو صحیح حدیثیں غامدی صاحب کو ان کے نظریہ کے خلاف نظر آتی ہیں تو اس قسم کے اصول بناتے ہیں : کہ ان احادیث کا جو کہ ان کے خلاف نظریہ ہے اس اصول کے ماتحت رد ہوجائے تاکہ وہ یہ ثابت کرسکیں کہ وہ احادیث کے منکر نہیں۔حالانکہ اگر کوّا ہنس کی چال بھی چلے تب بھی وہ کوّا ہی رہتا ہے۔ |