مفتاح النجاۃ

(المُستدرک علی الصّحیحین للحاکم : 1/564؛ المُعجم الأوسط للطّبراني : 1455؛ شُعب الإیمان للبیہقي : 2499؛ وسندہٗ حسنٌ)

اس حدیث کو امام حاکم رحمہ اللہ نے امام مسلم رحمہ اللہ کی شرط پر ’’صحیح‘‘ کہا ہے۔ حافظ ذہبی رحمہ اللہ نے ان کی موافقت کی ہے۔

یہ روایت سیدنا ابو سعید خدری رضی اللہ عنہ سے موقوفاً بھی مروی ہے، یاد رہے موقوف روایت مرفوع کے لئے باعث تقویت ہوتی ہے۔

تو معلوم ہوا کہ سورت کہف کی پہلی دس اور آخری دس آیات پڑھنے والا فتنہ دجال سے محفوظ رہے گا۔

6. سیدنا ابو درداء رضی اللہ عنہ بیان کرتے ہیں کہ رسو ل اللہ صلی اللہ علیہ وسلم نے فرمایا:

مَنْ قَرَأَ ثَلَاثَ آیَاتٍ مِّنْ أَوَّلِ الکَہْفِ عُصِمَ مِنْ فِتْنَۃِ الدَّجَّالِ ۔

’’سورت کہف کی پہلی تین آیات پڑھنے والا فتنہ دجال سے محفوظ رہے گا۔‘‘

(سنن التّرمذي : 2886، وسندہٗ صحیحٌ)

اس حدیث کو امام ترمذی رحمہ اللہ نے ’’حسن صحیح‘‘ کہا ہے۔

ایک اعتراض کیا جاتا ہے کہ ان احادیث کا فتنہ دجال سے تعلق سمجھ نہیں آتا، تو اس کا جواب یہ ہے کہ ہمارے لئے رسول کریم صلی اللہ علیہ وسلم کا فرمایا ہوا ہی کافی ہے، اب ان کا تعلق سمجھ آئے یا نہ آئے، ہم اس کو تسلیم کریں گے، بعض علماء نے ان کا فتنہ دجال سے تعلق واضح کیا ہے، حافظ ابن الجوزی رحمہ اللہ (۵۰۸۔۵۹۷ھ) لکھتے ہیں :

اَلدَّجَّالُ : الْکَذَّابُ، وَقَدِ اشْتَہَرَ عِنْد الْإِطْلَاقِ بِالَّذِي یَخْرُجُ فِي آخِرِ الزَّمَانِ، وَالْعِصْمَۃُ : الْمَنْعُ، وَأَمَّا تَخْصِیْصُ ذٰلِکَ