| رائے کی بات ہے تو خود امام شافعی کے بارے میں امام ابن منذر او ر امام خطابی نے لکھا ہے کہ اسے قتل کیا جائے گا، چنانچہ امام ابن تیمیہ رحمۃ اللہ علیہ لکھتے ہیں: وَأَمَّا الشَّافِعِّيُ فَالْمَنْصُوْصُ عَنْهُ نَفْسُه أَنَّ عَهْدَه یَنْتَقِضُ بِسَبِّ النَّبِي وَ أَنَّه یُقْتَلُ هکَذَا حَکَاهُ ابْنُ الـْمُنْذِرِ وَ الْخَطَّابِّ وَ غَیْرُهُمَا[1] ’’ خود امام شافعی رحمۃ اللہ علیہ سے بالنص ثابت ہے کہ نبی صلی اللہ علیہ وسلم کو گالی دینے سے ذمّی کا عہد وذمّہ ختم ہوجائے گا اور اسے قتل کیا جائے گا۔ امام ابن منذر اور خطابی و غیرہ نے ان سے اسی طرح نقل کیا ہے۔‘‘ جہاں تک عام شافعی ائمہ و فقہا کی رائے ہے تو اُن کے بارے میں تفصیلات ذکر کرنے کے بعد امام ابن تیمیہ رحمۃ اللہ علیہ لکھتے ہیں: "وَالَّذِيْ نَصَرُوْهُ فِيْ کُتُبِ الْخِلَافِ أَنَّ سَبَّ النَّبِيِّ صلی اللہ علیہ وسلم یُنْقِضُ الْعَهْدَ وَ یُوْجِبُ الْقَتْلَ کَمَا ذَکَرْنَا عَنِ الشَّافِعِِّ نَفْسُه"[2] ’’ مسائلِ اختلافیہ پر مشتمل کتب میں جس رائے کی تائید و نصرت کی گئی ہے، وہ یہ ہے کہ نبی صلی اللہ علیہ وسلم کو گالی دینا عہد و معاہدہ کو توڑ دیتا ہے اور یہ فعل اس کے قتل کو واجب کر دیتا ہے جیسا کہ ہم نے خود امام شافعی رحمۃ اللہ علیہ سے ذکر کیا ہے ۔‘‘ اسی طرح امام شوکانی رحمۃ اللہ علیہ نے شاتمِ رسول صلی اللہ علیہ وسلم کے بارے میں ائمہ و فقہاے شافعیہ کی رائے نقل کرتے ہوئے لکھا ہے : وَنَقَلَ أَبُوْبَکْرٍ الْفَارِسِّ أَحَدُ آئِمَّةِ الشَّافِعِیَّةِ فِيْ کِتَابِ الْاِجْمَاعِ أَنَّ مَنْ سَبَّ النَّبِی صلی اللہ علیہ وسلم بِمَا أَقْذَفَ صَرِیْح کُفِّرَ بِاتِّفَاقِ الْعُلَمَاءِ فَلَوْ تَابَ لَمْ یَسْقُطْ عَنْهُ الْقَتْلُ لِأَنَّ حَدَّ قَذْفِه الْقَتْلُ وَحَدَّ الْقَذْفِ لَایَسْقُطُ بِالتَّوْبَةِ [3] ’’ائمہ شافعیہ میں سے ابو بکر فارسی نے کتاب الاجماع میں نقل کیا ہے کہ جس نے |