Maktaba Wahhabi

محدث شمارہ 289

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: جون 2005ء

اختلاف کے علاوہ یہ ذکر ہے کہ ام ورقہ رضی اللہ عنہا نے خود رسول صلی اللہ علیہ وسلم سے امامت کی اجازت طلب کی تھی) طرق کا اس قدر اختلاف اس حدیث میں ضعف کی ایک شدید علت کی واضح نشاندہی کررہا ہے اور وہ ہے اضطراب جو ولید بن جمیع کی طرف سے واقع ہوا ہے اور مضطرب روایت بالاتفاق ضعیف، قابل ردّ اور ناقابل استدلال ہے۔ مسنداحمد کے محققین اس حدیث کی دونوں سندوں کو ذکر کرنے کے بعد لکھتے ہیں : ”اس کی سند عبدالرحمن بن خلاد اور ولید بن عبداللہ بن جمیع کی دادی کے مجہول ہونے کی وجہ سے ضعیف ہے، جیسا کہ ابن قطان رحمۃ اللہ علیہ نے وضاحت کی ہے اور الولید کی دادی کا نام لیلیٰ بنت مالک ہے، نیزاس حدیث میں ولید بن عبداللہ بن جمیع اضطراب کا شکار ہوا ہے۔“ چنانچہ ابونعیم الفضل بن دکین نے اس کو روایت کیا، جیسا کہ مسنداحمد کی مذکورہ روایت میں ہے جس کو ابن سعد رحمۃ اللہ علیہ نے طبقات (8/457) میں ، طبرانی رحمۃ اللہ علیہ نے المعجم الکبیر (25/326)میں ، امام بیہقی رحمۃ اللہ علیہ نے السنن (3/130) اور الدلائل (6/381) میں ذکر کیا ۔نیز وکیع رحمۃ اللہ علیہ بن جراح نے اس کو روایت کیا جس کوابن ابی شیبہ رحمۃ اللہ علیہ نے المصنف(12/527) میں اور ابوداود رحمۃ اللہ علیہ نے السنن( رقم 591) میں اور ابن ابی عاصم رحمۃ اللہ علیہ نے الآحاد ( 3366) میں اور ابن الاثیر نے اُسد الغابہ میں اُم ورقہ رضی اللہ عنہا کے ترجمہ میں نقل کیا ہے۔ اس کے علاوہ محمد بن فضیل نے اس کو روایت کیا ، جسے ابوداود نے رقم الحدیث:592 میں نقل کیا ۔علاوہ ازیں اشعث بن عطاف نے اسے روایت کیا جسے دارقطنی رحمۃ اللہ علیہ نے العلل (5/225) میں نقل کیا۔ ان تمام نے اس روایت کو الولید بن عبداللہ بن جمیع کے طریق سے مذکورہ سند کے ساتھ ہی روایت کیاہے۔ لیکن صحیح ابن خزیمہ میں اس روایت کو عبداللہ بن داوٴد الخریبی نے الوليد بن عبداللہ بن جميع عن ليلىٰ بنت مالك عن أبيها کے طریق سے روایت کیا ہے اور عبدالعزیز بن ابان نے اسے الوليد عن عبدالرحمٰن بن خلاد عن أبيه عن أم ورقة کے طریق سے روایت کیا ہے ۔اسی طرح تحفة الأشراف بمعرفة الأطراف (13/110) میں انہوں نے عبدالرحمن بن خلاد عن أبيه عن أم ورقة کے طریق سے نقل کیا ہے۔ نیز واضح ہوکہ عبدالعزیز بن ابان متروک ہے۔امام دارقطنی رحمۃ اللہ علیہ نے السنن (1/403 ) میں اور
x
صفحہعنوان
2امامت ِزن کے واقعہ کا پس منظراور مقصد!
15فتنہٴ اِمامت زَن استعمار اور اس کے کارندوں کا کردار
33کیا عورت مردوں کی امامت کراسکتی ہے؟
45نماز میں عورت کی امامت؟
50عورت کی امامت احادیث کی روشنی میں
67امامت ِ نسواں کا جواز؟ حدیث ِ اُمّ ورقہ رضی اللہ عنہا کی روشنی میں
72عورت کی امامت کا حالیہ واقعہ ؟
77عورت کی امامت کی شرعی حیثیت
Flag Counter