Maktaba Wahhabi

محدث شمارہ 2

مؤلف: حافظ عبد الرحمن مدنی

ناشر: مجلس التحقیق الاسلامی 99 جے ماڈل ٹاؤن لاہور

سال شائع: جنوری ، فروری 1971

اسلامی مساوات نبی صلی اللہ علیہ وسلم کے خطہ حجۃ الوداع اور خلفائے راشدین کے عہد کے آئینے میں مولانا محمد حنیف صاحب گوجرانوالہ اسلام نے معاشرتی تنظیم کے لئے جو اصول وضع ہیں اصولِ مساوات ان میں بنیادی حیثیت رکھتا ہے۔ اِسی بنیاد پر معاشرے کا باقی ڈھانچہ تعمیر کیا گیا ہے اور معاشرتی قانون بنائ گئے ہیں ۔ جان و مال اور عزت سب کے یکساں ہیں : مساوات کے اصول کے تحت اسلام معاشرے کے ہر فرد کے جان و مال اور عزت کو یکساں محترم قرار دیتا ہے اور اس سلسلے میں کسی کے ساتھ کسی قسم کے امتیاز کا روادار نہیں ہے۔ وہ اس اعتبار سے کسی کو برتر نہیں مانتا کہ وہ اعلیٰ خاندان سے تعلق رکھتا ہے یا اس کے پاس دوسروں کی نسبت مال زیادہ ہے یا وہ زیادہ زمین کا مالک ہے یا اس کا رنگ دوسروں سے اچھا ہے یا زیادہ پڑھا لکھا ہے، یا کسی خاص علاقے کا باشندہ ہے یا وہ معاشرے میں کسی خاص حیثیت کا حامل ہے۔ اسلام کے مقرر کردہ قواین معاشرہ کی نگاہ میں یہ سب حیثیتیں بے معنی ہیں اور اگر کسی موقع پر معاشرہ کے نظام میں خرابی کا باعث بنتی ہیں تو قانون کے مقابلے میں ایک پرکار کی حیثیت بھی نہیں رکھتیں اور پورے استغنا کے ساتھ ٹھکرا دی جاتی ہیں ۔ اسلام اس بات کا بھی قائل نہیں کہ کسی شخص کو اس لئے حقیر سمجھا جائے کہ وہ غریب اور نادار ہے یا کوئی طاقت ور اس لئے دوسرے کے مال پر قبضہ کر لے کہ مقابل کمزور ہے۔ یا کم حیثیت والے کی عزت پر کوئی اس لئے ہاتھ ڈال لے کہ وہ اعلیٰ حیثیت کا مالک نہیں ۔ کسی شخص کا کمزور، نادار اور کم حیثیت ہونا قطعاً اس میں رکاوٹ نہیں بنتا کہ اس کو اس کے حقوق پورے پورے دیئے جائیں اور اس کے مال جان اور عزت کا اسی طرح احترام کیا جائے جس طرح کسی طاقت ور، مالدار اور اعلیٰ حیثیت کے حامل
x
صفحہعنوان
3فکر و نظر
13قارئین کرام سے ۔۔۔۔۔۔ محدث کے بارے میں
15قیمت پیشگی لیکر جنس وقتِ مقررہ پر دینا
19عشرۃ ذی الحجۃ۔۔۔۔ قرانی کے فضائل و احکام
36خلافتِ راشدہ میں نظم و نسق
40اصلاح معاشرہ کا اسلامی تصور
46پاکستان کا موجودہ فرسودہ نظامِ تعلیم
51اسلامی مساوات
56عالمی مسائل اور سوشلسٹ سرگرمیاں
62محدث کے زرِ سالانہ کے سلسلہ میں ضروری وضاحت
64یادِ رفتگاں
Flag Counter