بیماریاں اور ان کا علاج مع طب نبوی

روزانہ مندرجہ ذیل کام ضرور کریں :۔

1. بعد نماز فجر کم از کم 30منٹ تیز تیزپیدل چلئے ترجیحاً سبز گھاس پر۔ یہ ہربیماری خصوصاً آنکھوں اور معدہ کی بیماریوں کا علاج ہے۔

2. شام کو 30منٹ وہ ورزشیں بھی کیجئے جن میں جسمانی اعضا پر تناؤ اور ڈھیل کا عمل ہوتا ہے۔(دیکھئے صفحہ نمبر282)

3. صبح دلیہ کا ناشتہ اور مغرب سے پہلے کھانا کھائیے۔ صبح نہار منہ اور ہر کھانے سے پہلے ترجیحاً 2 گلاس پانی پیجئے۔

4.  درمیان میں بھوک لگے توایک سیب کھائیے۔

5. صبح کا ناشتہ کرنے کے بعد ایک گولی وٹامن ای(Vitamin E)اور ایک گولی بی کمپلیکس (B-Complex) کھائیے۔

6. اُبلے ہوئے کھانے یا کم سے کم تیل میں پکے ہوئے کھائیے، گوشت ہفتہ میں صرف 2 بار کھائیے وہ بھی مرغی یامچھلی کا۔ دالیں اور سبزیاں زیادہ کھائیے۔ بلکہ سبزی خور (Vegetarian) بن جائیے۔

7. شکر یا شکر سے بنی ہوئی چیزیں کھانا تقریباً بند کر دیں تازہ پھل، سبزیاں کھائیے اور روزانہ سیب یا گاجر کھائیے۔

8. بغیر کریم والا دودھ ( Skim - Milk ) زیادہ پیجئے۔

9. بغیر چھنے آٹے کی روٹی کھائیے۔ میدہ یا چھنے ہوئے آٹے کی روٹی کم سے کم کھائیے۔

10. مضبوط قوت ارادی ، پر امید ذ ہنی کیفیت اور پاکیزہ جذبات اپنائیے۔ یہ ہر بیماری کا بہترین علاج ہے یہ سوچئے کہ اِنْ شَائَ اللّٰہُ تَعَالٰی مجھے کوئی بیماری نہیں ہے اور اگر ہے بھی تو اللہ ربُّ العزّت کے حکم سے جلد ختم ہو جائے گی۔

11. نفرت، غصہ ، دشمنی،غم، لالچ، خود غرضی، بغض اور حسد سے بچئے ورنہ بیماریاں ہی بیماریاں۔یاد رکھئے ’’اللہ تعالیٰ جو آپ کو دینا چاہیں گے(مثلاً دولت، خوشی،