| کی تصریح نہیں کی۔ 2. سیدنا انس بن مالک رضی اللہ عنہ سے منسوب ہے کہ رسول اللہ صلی اللہ علیہ وسلم نے فرمایا: لَا مَہْدِيَّ إِلَّا عِیسَی ابْنُ مَرْیَمَ ۔ ’’مہدی سوائے عیسیٰ بن مریم علیہما السلام کے کوئی نہیں۔‘‘ (سنن ابن ماجہ : 4039، المستدرک للحاکم : 8363) سند ضعیف ہے؛ 1. محمد بن خالد جندی مجہول ہے۔ (تقریب التّہذیب لابن حجر : 5849) الطیوریات لابی الطاہر السلفی (291)، تہذیب الکمال للمزی (25/149) میں ہے کہ امام یحییٰ بن معین نے اسے ’’ثقہ‘‘ کہا ہے، یہ قول ثابت نہیں، اس کے راوی احمد بن محمد بن مومل ابوبکر صور ی کی توثیق نہیں مل سکی۔ 2. حسن بصری مدلس ہیں، سماع کی تصریح نہیں کی۔ اسی طرح ائمہ حدیث وسنت نے اس روایت کو قبول نہیں کیا ۔ ٭ امام نسائی رحمہ اللہ فرماتے ہیں : ھٰذَا حَدِیثٌ مُّنْکَرٌ ۔’’یہ حدیث منکر ہے۔‘‘ (العِلَل المتناہیۃ لابن الجَوزي : 2/862) ٭ حافظ بیہقی (بیان الخطأ : 299) اور ذہبی رحمہما اللہ (میزان الاعتدال : 3/535) نے اسے ’’منکر‘‘ قرار دیا ہے، علامہ صنعانی رحمہ اللہ نے ’’موضوع‘‘ (من گھڑت)کہا ہے۔ (الفوائد المجموعۃ للشّوکاني، ص 510) |