Maktaba Wahhabi

ضوابط الجرح والتعدیل

مؤلف: الشیخ ارشاد الحق اثری

ناشر: المدینہ اسلامک ریسرچ سینٹر کراچی

اسی طرح ابو زبیر محمد بن مسلم مدلس ہیں ، لیکن امام لیث جب ابو زبیر سے روایت کریں تو ان کی ہر روایت ابوزبیر سےمحمول علی السماع ہوگی۔ اسی طرح ابواسحاق سے زہیر بن معاویہ روایت کریں تو ان کی روایت ابواسحاق سے محمول علی السماع ہوگی۔ ہشیم بن بشیر مدلس ہیں ،لیکن امام احمد رحمہ اللہ فرماتے ہیں ہشیم جب حصین سے روایت کرتے ہیں ، تو ہشیم کی حصین سے روایت محمو ل علی السماع ہے۔[1]یا اسی طرح آپ دیکھیں ابن جریج مدلس ہیں لیکن ابن جریج جب عطاء سے روایت کرتے ہیں تو تدلیس نہیں کرتے۔ اسی طرح یحی بن سعید جب مدلسین سے روایت کریں، تو ان کی روایت بھی مدلسین سے محمول علی السماع ہوتی ہے۔ یہ مختلف کتابوں سے میں نے یہ آپ کے سامنے خاکہ رکھا ہے۔ (۲) کثرتِ ارسال: کثیر الارسال راوی کی روایت بھی محل نظر ہے۔ راوی کا کثیر الارسال ہونا جرح کا باعث نہیں ہے عطاء بن ابی رباح ، طاؤس رحمہما اللہ کثرت سے ارسال کرتے ہیں ،لیکن ان کے ارسال کرنے کی وجہ سے ان کے عدالت و ضبط پر کو ئی حرف نہیں ہے۔ البتہ یہ موضوع ِ بحث اپنی جگہ پر ہے کہ یہ روایت انہوں نے مرسل بیان کی ہے اس ارسال کی کوئی مؤید ہے یا نہیں ہے؟؟ (۳) کثرت سے منکر ، متروک، مجاہیل سے روایت کرنا: کوئی راوی منکر ،متروک ،مجاہیل سے بکثرت روایت بیان کرتا ہے۔ یا یوں کہہ لیں کثرت سے مناکیر بیان کرتا ہے ، ثقہ تو ہے لیکن کثرت سے منکر بیان کرتا ہے۔منکر کا مطلب مجہول سے ، ضعفاء سے کثرت سے روایتیں کرتا ہے۔ ثقہ ،ضعیف سے روایتیں کرلیتا ہے، یہ عیب نہیں ہے،
x
صفحہعنوان
5پیش لفظ
9عرض مؤلف
11مقدمہ
14تمہیدسند کی اہمیت و حیثیت
15سند اور دیگر ادیان :
17سند دین میں سے ہے:
20اصول الجرح والتعدیل (صحیح حدیث کی تعریف کی روشنی میں)
21کیا راوی پر جرح کرنا غیبت کے زمرے میں آتا ہے؟
24فسق کی اقسام:
24بدعت کی اقسام:
26ثبوت عدالت
26معروف العدالۃ شخص کے بارے میں منفرد جرح کا حکم :
31متساہل معدلین کاتذکرہ
32۲۔توثیق راوی کے حوالے سے امام حاکم رحمہ اللہ کا تساہل:
33۳۔کیا امام ابن حبان رحمہ اللہ نے یہ اصول امام ابو حنیفہ رحمہ اللہ سے لیا ہے؟
34ثبوتِ عدالت کے حوالے سے جمہور کا مؤقف :
37۴۔کیاامام عجلی رحمہ اللہ بھی متساہل ہیں؟
40۵۔کیا امام دارقطنی متساہل ہیں ؟
42قرائن التوثیق
53مستخرج کی روایت ، راوی کی توثیق :
56ثبوتِ جرح
56۱۔عدالت مجروح ہونے کا پہلا سبب:
56کذاب راوی کی توبہ اور عدالت کا مسئلہ :
58کذاب کے لفظ کا ’’خطاء ‘‘کے معنی میں استعمال :
62ارتفاعِ جہالت سے متعلق بعض غیر صحیح اصول
68ضبط
70نقصانِ ضبط اور اس کے اسباب
70۱۔ نقصان ضبط کی پہلی صورت )سوء حفظ (
80۲۔نقصانِ   ضبط کی دوسری صورت راوی کا کثیر الخطا ہونا
82اتصالِ سند سے متعلق روایت پر اثر انداز ہونے والے اسباب
90تعارض الجرح والتعدیل
98رواۃ کی ولادت ،وفیات رحلات کا علم
104کتبِ اصول کی طرف مراجعت
113سوالات
Flag Counter