Maktaba Wahhabi

ضوابط الجرح والتعدیل

مؤلف: الشیخ ارشاد الحق اثری

ناشر: المدینہ اسلامک ریسرچ سینٹر کراچی

ابن حجر،ذہبی، ابن القطان رحمۃ اللہ علیہم کی یہ نصوص بتلاتی ہیں کہ امام عجلی رحمہ اللہ کو متساہلین میں شمار نہیں کرنا چاہئے۔ ۵۔کیا امام دارقطنی متساہل ہیں ؟ امام دارقطنی رحمہ اللہ کے بارے میں یہ تاثر دیا جاتا ہے اور یہ تاثر فتح المغیث میں ہے اسی حوالے سے بعض کتابوں میں امام دارقطنی رحمہ اللہ کے بارے میں ہے کہ انہوں نے فرمایا ہے: ’’ ما روی عنہ ثقتان فقد ارتفعت جھالته و ثبتت عدالته‘‘[1] لیکن اس کے ساتھ بھی موافقت مشکل ہے اس لئے کہ یہی عبارت سنن دارقطنی میں موجود ہے۔[2]لیکن اس میں’’ ثبتت عدالته‘‘ کے الفاظ نہیں ہیں بلکہ’’ارتفع عنه اسم الجھالة ‘‘ کے لفظ ہیں ۔ جس سے دو راوی روایت کرنے والے ہوں اس سے جہالتِ عین ختم ہوجاتی ہے۔ لیکن جہالت ِعین ختم ہونے سے کیا ثبوت ِعدالت بھی متحقق ہوجاتا ہے، یہ امر ثانی ہے۔ اب سخاوی رحمہ اللہ کی عبارت کا تقاضا ہے کہ دارقطنی رحمہ اللہ ایسے راوی کی عدالت کو بھی تسلیم کرتے ہیں۔ پہلے تو یہ ہے کہ یہ الفاظ خود مشکوک ہیں کہ یہ الفاظ ثابت بھی ہیں کہ نہیں ؟؟ دوسری بات اسی بحث میں جہاں یہ بات امام دارقطنی رحمہ اللہ نے کہی ہے وہاں دور اوی ہیں۔ ام محبہ اور العالیہ ان دونوں کو امام دارقطنی رحمہ اللہ نے مجہول کہا ہے۔ اور ان دونوں سے یونس بن ابی اسحاق (بیٹا) اور ابو اسحاق (باپ) دونوں اس سے روایت کرتے ہیں اب دو راوی ہیں اور دوونوں عادل ہیں۔ لیکن اس کے باوجود اس کو امام دارقطنی رحمہ اللہ مجہول کہتے ہیں۔[3]اگر دو کے روایت کرنے سے امام دارقطنی رحمہ اللہ کے نزدیک ثبوتِ عدالت ہوتا تو یہاں دونوں باپ بیٹا دونوں ثقہ ہیں ام محبۃ اور عالیہ کو امام دارقطنی مجہول نہ کہتے ۔
x
صفحہعنوان
5پیش لفظ
9عرض مؤلف
11مقدمہ
14تمہیدسند کی اہمیت و حیثیت
15سند اور دیگر ادیان :
17سند دین میں سے ہے:
20اصول الجرح والتعدیل (صحیح حدیث کی تعریف کی روشنی میں)
21کیا راوی پر جرح کرنا غیبت کے زمرے میں آتا ہے؟
24فسق کی اقسام:
24بدعت کی اقسام:
26ثبوت عدالت
26معروف العدالۃ شخص کے بارے میں منفرد جرح کا حکم :
31متساہل معدلین کاتذکرہ
32۲۔توثیق راوی کے حوالے سے امام حاکم رحمہ اللہ کا تساہل:
33۳۔کیا امام ابن حبان رحمہ اللہ نے یہ اصول امام ابو حنیفہ رحمہ اللہ سے لیا ہے؟
34ثبوتِ عدالت کے حوالے سے جمہور کا مؤقف :
37۴۔کیاامام عجلی رحمہ اللہ بھی متساہل ہیں؟
40۵۔کیا امام دارقطنی متساہل ہیں ؟
42قرائن التوثیق
53مستخرج کی روایت ، راوی کی توثیق :
56ثبوتِ جرح
56۱۔عدالت مجروح ہونے کا پہلا سبب:
56کذاب راوی کی توبہ اور عدالت کا مسئلہ :
58کذاب کے لفظ کا ’’خطاء ‘‘کے معنی میں استعمال :
62ارتفاعِ جہالت سے متعلق بعض غیر صحیح اصول
68ضبط
70نقصانِ ضبط اور اس کے اسباب
70۱۔ نقصان ضبط کی پہلی صورت )سوء حفظ (
80۲۔نقصانِ   ضبط کی دوسری صورت راوی کا کثیر الخطا ہونا
82اتصالِ سند سے متعلق روایت پر اثر انداز ہونے والے اسباب
90تعارض الجرح والتعدیل
98رواۃ کی ولادت ،وفیات رحلات کا علم
104کتبِ اصول کی طرف مراجعت
113سوالات
Flag Counter