Maktaba Wahhabi

ضوابط الجرح والتعدیل

مؤلف: الشیخ ارشاد الحق اثری

ناشر: المدینہ اسلامک ریسرچ سینٹر کراچی

تعارض الجرح والتعدیل کبھی راویوں پر جرح و تعدیل میں آپس میں تعارض ہوجاتا ہے، سب سے بڑا مشکل مسئلہ یہ ہے کہ ایک راوی کو بعض محدثین ثقہ کہہ رہے ہیں ،دوسرے محدثین ضعیف کہہ رہے ہیں ۔ تطبیق و توفیق کی پہلی صورت : ایسی صورت میں یہ دیکھنا چاہئے کہ وہ محدثین کون ہیں؟ اور یہ تعدیل کس نوعیت کی ہے؟ یہ نقد ہے تو کیا یہ نقد عدالت پر ہے یا ضبط پر ہے؟ بسا اوقات عدالت مجروح نہیں ہوتی، ضبط مجروح ہوتا ہے۔ بسا اوقات ضبط مجروح نہیں ہوتا ، عدالت مجروح ہوتی ہے۔ اب دیکھئے سلیمان بن داؤد شاذکونی ،حافظ ہیں ،تذکرۃ الحفاظ میں ان کا ذکر ہے،[1]لیکن عدالت نہیں ہے، وضاع،متروک ہیں، اب حفظ و ضبط کے باوجود عدالت نہیں ہے۔ اس لئے راوی کے بارے میں یہ دیکھنا چاہئے کہ راوی پر کی گئی جرح کس تناظر میں ہے؟ یہ اختلاف کی پوزیشن ضبط کے اعتبار سے ہے یا عدالت کے اعتبار سے ہے؟ اگر عدالت کے اعتبار سے ہے تو تطبیق و توفیق کی ایک صورت ہماری سمجھ میں آگئی کہ جنہوں نے جرح کی ان کی جرح عدالت کی وجہ سے ہے، اور جنہوں نے تعدیل کی ان کی تعدیل ضبط کی وجہ سے ہے۔اسی طرح اس کے برعکس بھی کہ جنہوں نے تعدیل کی، ان کی تعدیل عدالت کی وجہ سے ہے۔اور جنہوں نے جرح کی ان کی جرح ضبط کی وجہ سے ہے۔
x
صفحہعنوان
5پیش لفظ
9عرض مؤلف
11مقدمہ
14تمہیدسند کی اہمیت و حیثیت
15سند اور دیگر ادیان :
17سند دین میں سے ہے:
20اصول الجرح والتعدیل (صحیح حدیث کی تعریف کی روشنی میں)
21کیا راوی پر جرح کرنا غیبت کے زمرے میں آتا ہے؟
24فسق کی اقسام:
24بدعت کی اقسام:
26ثبوت عدالت
26معروف العدالۃ شخص کے بارے میں منفرد جرح کا حکم :
31متساہل معدلین کاتذکرہ
32۲۔توثیق راوی کے حوالے سے امام حاکم رحمہ اللہ کا تساہل:
33۳۔کیا امام ابن حبان رحمہ اللہ نے یہ اصول امام ابو حنیفہ رحمہ اللہ سے لیا ہے؟
34ثبوتِ عدالت کے حوالے سے جمہور کا مؤقف :
37۴۔کیاامام عجلی رحمہ اللہ بھی متساہل ہیں؟
40۵۔کیا امام دارقطنی متساہل ہیں ؟
42قرائن التوثیق
53مستخرج کی روایت ، راوی کی توثیق :
56ثبوتِ جرح
56۱۔عدالت مجروح ہونے کا پہلا سبب:
56کذاب راوی کی توبہ اور عدالت کا مسئلہ :
58کذاب کے لفظ کا ’’خطاء ‘‘کے معنی میں استعمال :
62ارتفاعِ جہالت سے متعلق بعض غیر صحیح اصول
68ضبط
70نقصانِ ضبط اور اس کے اسباب
70۱۔ نقصان ضبط کی پہلی صورت )سوء حفظ (
80۲۔نقصانِ   ضبط کی دوسری صورت راوی کا کثیر الخطا ہونا
82اتصالِ سند سے متعلق روایت پر اثر انداز ہونے والے اسباب
90تعارض الجرح والتعدیل
98رواۃ کی ولادت ،وفیات رحلات کا علم
104کتبِ اصول کی طرف مراجعت
113سوالات
Flag Counter