Maktaba Wahhabi

محدث شمارہ 294

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: نومبر 2005ء

جو قوم اللہ کی نافرمانی کو اپنا شیوہ بنا لے اور گناہ پر گناہ کرتی چلی جائے اور توبہ نہ کرے تو اللہ تعالیٰ اسے رزق سے محروم کر دیتے ہیں۔ حضرت ثوبان رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ((إن العبد ليحرم الرزوق بالذنب يصيبه ولا يرد القدر إلا الدعاء ولا يزيد في العمر إلا البر)) (مسند احم: ۲۱۴۰۲) ’’بے شک آدمی گناہ کا ارتکاب کر کے رزق سے محروم ہو جاتا ہے اور دعا تقدیر میں ردّ و بدل کر دیتی ہے اور نیکی کرنے سے عمر میں برکت ہو جاتی ہے۔‘‘ علاج جو لوگ اس قیامت خیز زلزلہ اور عذابِ الٰہی سے بچ گئے ہیں اور وہ تجدید ایمان کریں، اللہ سے ڈریں اور اخلاصِ نیت اور سچے دل کے ساتھ بد اعمالیوں سے توبہ کریں اور اللہ کے سامنے سجدہ ریز ہو کر استغفار کریں تو اس سے نہ صرف اللہ کا عذاب ٹل جائے گا، بلکہ آسمان سے اللہ کی رحمتوں کا نزول ہو ا۔ فرمانِ الٰہی ہے: ﴿ وَلَوْ أنَّ اَھْلَ الْقُرَيٰ اٰمَنُوْا وَاتَّقُوْا لَفَتَحْنَا عَلَيْھِمْ بَرَكَاتٍ مِنَ السَّمَآءِ وَالْاَرْضِ وَلٰكِنْ كَذَّبُوْا فَاَخَذْنٰھُمْ بِمَا كَانُوْا يَكْسِبُوْنَ﴾ (الاعراف: ۹۶) ’’اور اگر یہ بستیوں والے ایمان لاتے (اللہ کی طرف رجوع کرتے) اور (برے کاموں یعنی کفر و شرک سے) بچے رہتے تو ہم ان پر آسمان اور زمین کی برکتیں کھول دیتے مگر انہوں نے تو (ہمارے پیغمبروں کو) جھٹلایا تو (ہم نے بھی) ان کے کاموں کی سزا میں انہیں پکڑ لیا۔‘‘ ٭ قرآن میں اللہ کا فرمان ہے: ﴿ وَمَنْ يَّتَّقِ اللّٰهَ يَجْعَلْ لَّه مَخْرَجًا﴾ (الطلّاق: ۳) ’’جو الله كا تقویٰ اختيار كرے، الله اس كيلئے مصيبتوں سے نکلنے کے راستے پیدا فرما دیتے ہیں۔‘‘ ٭ نبی کریم صلی اللہ علیہ وسلم نے ارشاد فرمایا کہ جس نے استغفار کو لازم کر لیا، اللہ اسے ہر تنگی سے نجات دیں گے اور ایسی جگہ سے رزق عطا فرمائیں گے جہاں سے وہم و گمان بھی نہ ہو گا۔ ٭ جناب ربیع علیہ السلام بن صبیح بیان کرتے ہیں کہ ایک دفعہ حضرت حسن بصری رحمۃ اللہ علیہ کی مجلس میں چار آدمی آئے اور انہوں نے اپنے اپنے مسائل و مشکلات حسن بصری رحمۃ اللہ علیہ کے سامنے پیش کئے۔ ایک نے کہا: میں بیمار ہوں، دوسرے نے کہا: میرے پاس اولاد نہیں ہے، تیسرے نے کہا: میں
x
صفحہعنوان
2كيا الله كی طرف پلٹنے كا وقت ابھی تک نہیں آیا؟
22اللہ کے عذاب کیوں آتے ہیں؟
46’طلوعِ اسلام‘ کے حضور
63معاشرے میں دینی مدارس کا کردار
70ظلم و ستم اور بے انصافی کا دور دورہ بھی زلزلے کا سبب ہے!
75حضرت مولانا محمد حسین شیخور پوری رحمۃ اللہ علیہ
Flag Counter