Maktaba Wahhabi

طلاق کے مسائل

مؤلف: الشیخ اقبال کیلانی

ناشر: حدیث پبلیکیشنز

حضرت ربیع بنت معوذ بن عفراء رضی اللہ عنہ سے روایت ہے کہ انہوں نے نبی اکرم صلی اللہ علیہ وسلم کے زمانہ میں اپنے شوہر سے خلع لیا تو نبی اکرم صلی اللہ علیہ وسلم نے اسے حکم دیا ’’وہ ایک حیض عدت گزارے۔‘‘ اسے ترمذی نے روایت کیا ہے۔ وضاحت : خلع کی عدت میں مرد کو رجوع کا حق باقی نہیں رہتا البتہ عدت کے بعد مرد، عورت دونوں آپس میں نکاح کرنا چاہیں تو کرسکتے ہیں۔ (تفہیم القرآن ، جلد اول ، صفحہ176) مسئلہ نمبر109:بلا وجہ خلع لینے والی عورتیں منافق ہیں۔ وضاحت : حدیث مسئلہ نمبر6کے تحت ملاحظہ فرمائیں۔ مسئلہ نمبر110:جو مرد عورت کو نان و نفقہ ادا نہ کرے اس سے عورت خلع لینا چاہے تو لے سکتی ہے۔ عَنْ سَعِیْدِ بْنِ الْمُسَیَّبِ رضی اللّٰه عنہ کَانَ یَقُوْلُ اِذَا لَمْ یَجِدِ الرَّجُلُ مَا یُنْفِقُ عَلَی امْرَأَتِہٖ فُرِّقَ بَیْنَہُمَا۔ رَوَاہُ مَالِکٌ[1] حضرت سعید بن مسیب رضی اللہ عنہ فرماتے تھے کہ جب شوہر کے پاس بیوی کو دینے کے لئے نان نفقہ نہ ہو تو ان دونوں کے درمیان علیحدگی کروا دی جائے گی۔اسے مالک نے روایت کیا ہے۔ مسئلہ نمبر111:مرد اپنی بیوی سے جماع کے قابل نہ ہو تو علاج کے لئے ایک سال کی مہلت دینے کے بعد بیوی حسب ِ خواہش خلع حاصل کرسکتی ہے۔ عَنْ سَعِیْدِ بْنِ الْمُسَیَّبِ رضی اللّٰه عنہ اَنَّہٗ کَانَ یَقُوْلُ مَنْ تَزَوَّجَ اِمْرَأَۃً فَلَمْ یَسْتَطِیْعْ اَنْ یَمَسَّہَا فَاِنَّہٗ یُضْرَبُ لَہٗ اجَلٌ سَنَۃً ، فَاِنْ مَسَّہَا وَ اِلاَّ فُرِّقَ بَیْنَہُمَا۔ رَوَاہُ مَالِکٌ[2] حضرت سعید بن مسیب رضی اللہ عنہ فرماتے ہیں جو شخص کسی عورت سے نکاح کرے اور وہ اس سے جماع کی قدرت نہ رکھتا ہو تو اس مرد کو ایک سال کی مہلت (علاج کے لئے) دی جائے گی اگر اس عرصہ میں وہ جماع پر قادر ہو جائے تو بہتر ورنہ میاں بیوی کے درمیان علیحدگی کروا دی جائے گی۔ اسے مالک نے روایت کیا ہے۔
x
صفحہعنوان
35نیت کے مسائل
37طلاق کی کراہت
40طلاق ، قرآن مجید کی روشنی میں
46مثالی شوہر کی خوبیاں
50مثالی بیوی کی خوبیاں
55شوہر کے حقوق کی اہمیت
57شوہر کے حقوق
61بیوی کے حقوق کی اہمیت
64بیوی کے حقوق
68تمہارے لئے اللہ کے رسول ﷺ کی زندگی میں بہترین نمونہ ہے
73طلاق کی اقسام
76طلاق کا طریقہ
78طلاق میں جائز امور
80بیک وقت تین طلاقیں دینا
81خلع کے مسائل
84لعان کے احکام
89ظہارکے احکام
91ایلاء کے مسائل
94عدت کے مسائل
98عورت کے نان نفقہ کے مسائل
100بچے کی تربیت کے مسائل
Flag Counter