Maktaba Wahhabi

محدث شماره 280

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: مئی،جون 2004ء

کا اُصولی فرق ہے جواس کے عقائد ونظریات کی بنا پر ٹھوس حقیقت رکھتا ہے۔ اسلام کا دنیاوی زندگی کے بارے عقیدہ یہ ہے کہ وہ اس کوچند روزہ زندگی قرار دے کر آخرت کو دائمی مسکن[1] و مستقر قرار دیتا ہے۔ موجودہ زندگی کی قدروقیمت اسلامی عقائد کی روشنی میں اسی قدر ہے کہ یہ ایک امتحان کی تیاری کے لئے ملنے والی مہلت ہے اور دنیا میں انسان کو اعمال کی آزمائش [2]کے لئے بھیجاگیا ہے۔ قرآنِ کریم دنیا میں انسان کی آمد کا مقصد اللہ کی عبادت[3] قرار دیتا ہے۔اسی طرح نبی کریم صلی اللہ علیہ وسلم نے دنیا کو آخرت کے لئے کھیتی اور اس آرام سے تعبیرکیا ہے جسے ایک مسلمان دورانِ سفر تھوڑا سا سستانے[4] کے لئے اختیار کرتا ہے۔ یوں تو دنیاوی زندگی میں آرام و سکون کے حصول کواسلام حرام قرار نہیں دیتاکیونکہ دنیاوی ضرورتوں اور مسرتوں کو اسلام میں نظر انداز نہیں کیا گیا۔ بلکہ قرآنِ کریم میں مسلمانوں کو سکھائی جانے والی دعا میں دنیا کی خیرو فلاح بھی اللہ[5] سے مانگی گئی ہے۔ لیکن ایک مسلمان اور غیر مسلم کی سوچ کا بنیادی فرق یہ ہے کہ مسلمان کے نزدیک خیروفلاح کا مکمل تصور دنیاسے وابستہ نہیں بلکہ دنیا کے بعد ایک ایسی زندگی آنے والی ہے جہاں ابدالآباد تک انسان کو رہنا ہے۔اس میں کامیابی اور اس کے لئے محنت اس زندگی کا مقصد ہے۔ اسلام میں دنیاوی چین وسکون کو بقدرِ ضرورت ہی اختیار کرنے کا تصور موجود ہے۔ دنیاوی آسائش کو زیادہ سے زیادہ حاصل کرنا اور اس کی جستجو میں رہنا صحابہ کرام کی نظر میں ایسا امر تھا جس کاکم از کم نتیجہ آخرت میں دنیاوی لذات کے بقدر انعام سے محرومی ہے چنانچہ تفسیر ابن کثیر(4/160) میں حضرت عمر رضی اللہ عنہ کی یہ عادت ذکر کی گئی ہے کہ وہ دنیا میں نعمتوں اور لذتوں سے استفادہ سے اس بنا پر گریز کرتے کہ روزِ قیامت انہیں اس کا نتیجہ ان نعمتوں سے محرومی کی
x
صفحہعنوان
2حدود قوانین، انسانی حقوق اور مغرب کا واویلا
29انسانی حقوق اور قانونِ توہین رسالت!
33دورِ حاضر میں اُمت ِمسلمہ کے مسائل اور حیاتِ طیبہ صلی اللہ علیہ وسلم کی روشنی میں اُن کے حل
69مغرب کا سائنسی و نفسیاتی زاویہٴ فکر؛ تدریج و ارتقا
90اسلام اورمغرب کی ترجیحات؛ ایک موازنہ
109کراچی میں علماءِ اہلحدیث کنونشن
121پروفیسر ریاض الحسن نوری رحمۃ اللہ علیہ
141پروفیسر ریاض الحسن نوری کے شائع شدہ مضامین
Flag Counter