Maktaba Wahhabi

قبر کا بیان

مؤلف: محمد اقبال کیلانی

ناشر: حدیث پبلیکیشنز لاہور

صحابہ کرام رضی اللہ عنہم نے اس کی تعریف کی اور اس کی (کثرت) عبادت کا ذکر کیا ۔ رسول اکرم صلی اللہ علیہ وسلم خاموشی سے سنتے رہے۔ جب صحابہ کرام رضی اللہ عنہم خاموش ہوئے تو رسول اللہ صلی اللہ علیہ وسلم نے دریافت فرمایا’’کیا وہ کثرت سے موت کا ذکر کرتا تھا؟‘‘ صحابہ کرام رضی اللہ عنہم نے عرض کیا ’’نہیں۔‘‘ پھر آپ صلی اللہ علیہ وسلم نے دریافت فرمایا ’’کیا اس نے مرغوبات نفس کو چھوڑا؟‘‘ صحابہ کرام رضی اللہ عنہم نے عرض کیا ’’نہیں۔‘‘ آپ صلی اللہ علیہ وسلم نے ارشاد فرمایا ’’جس درجہ کو تم پہنچے ہو اس درجہ کو وہ نہیں پہنچا۔‘‘ اسے طبرانی نے روایت کیا ہے۔ مسئلہ 4: موت اور قبر کو یاد رکھنے والا صحیح معنوں میں اللہ سے حیا کا حق ادا کرتا ہے۔ عَنْ عَبْدِاللّٰہِ بْنِ مَسْعُوْدٍ رضي اللّٰه عنه قَالَ : قَالَ رَسُوْلُ اللّٰہِ صلي اللّٰه عليه وسلم ((اِسْتَحْیُوْا مِنَ اللّٰہِ حَقَّ الْحَیَائِ)) قُلْنَا : یَا نَبِیَّ اللّٰہِ صلي اللّٰه عليه وسلم ! اِنَّا لَنَسْتَحْیِیْ وَ الْحَمْدُ لِلّٰہِ، قَالَ ((لَیْسَ ذَاکَ وَ لٰکِنِ الاسْتِحْیَائَ مِنَ اللّٰہِ حَقَّ الْحَیَائِ اَنْ تَحْفَظَ الرَّأْسَ، وَ مَا وَعَی ، وَ تَحْفَظَ الْبَطْنَ، وَ مَا حَوَی ، وَ تَتَذَکَّرَ الْمَوْتَ وَ الْبِلَی ، وَمَنْ اَرَادَ الْآخِرَۃَ تَرَکَ زِیْنَۃَ الدُّنْیَا فَمَنْ فَعَلَ ذٰلِکَ فَقَدِ اسْتَحْییٰ)) یَعْنِیْ مِنَ اللّٰہِ حَقَّ الْحَیَائِ ۔ رَوَاہُ التِّرْمِذِیُّ [1] (صحیح) حضرت عبداللہ بن مسعود رضی اللہ عنہ کہتے ہیں رسول اللہ صلی اللہ علیہ وسلم نے فرمایا ’’اللہ تعالیٰ سے اس طرح حیا کرو جس طرح حیاکرنے کا حق ہے۔‘‘ ہم نے عرض کیا ’’اے اللہ کے نبی صلی اللہ علیہ وسلم !اللہ کا شکر ہے کہ ہم اللہ تعالیٰ سے حیا تو کرتے ہیں ۔‘‘آپ صلی اللہ علیہ وسلم نے ارشاد فرمایا ’’ایسے نہیں بلکہ اس طرح کہ جس طرح حیا کرنے کا حق ہے اور وہ یہ کہ تم حفاظت کرو،سرکی اور جو کچھ سر میں ہے (یعنی آنکھ، کان اور زبان وغیرہ کی) اور پھر پیٹ کی حفاظت کرو (کہ اس میں کوئی حرام چیز نہ جائے) اور ان چیزوں کی حفاظت کرو جو پیٹ کے ساتھ لگی ہوئی ہیں (یعنی شرم گاہ اور ہاتھ پاؤں وغیرہ) اور یاد کرو (قبر میں) ہڈیوں کے گل سڑ جانے کو ،اور جو شخص آخرت کی زندگی کا خواہشمند ہو اسے چاہئے کہ دنیا کی زیب و زینت چھوڑ دے۔ جس شخص نے یہ سارے کام کئے اس نے گویا اللہ تعالی سے اس طرح حیا کی جس طرح واقعی حیا کرنے کا حق تھا۔‘‘ اسے ترمذی نے روایت کیا ہے۔
x
صفحہعنوان
9بسم اللّٰه الرحمن الرحيم
80موت کو یاد کرنامستحب ہے
83موت کی تمنا کرنا منع ہے
85موت کی سختیاں
87مرتے وقت مومن کے اعزازات
97مرتے وقت کافر کی سزائیں
104میت کا کلام کرنا اور سننا
106قبر کا مفہوم
107قبر کی نعمتیں حق ہیں
109عذاب قبر حق ہے
112عذابِ قبر ، قرآن مجید کی روشنی میں
114عذابِ قبر کی شدت
117کبیرہ گناہوں پر عذاب قبر ہوتا ہے
118قبر کے دو فرشتے … منکر اور نکیر
121قبر میں سوال و جواب کے وقت میت کی کیفیت ؟
123قبرمیں نعمتوں کی اقسام
136قبر میں عذابوں کی اقسام
147عذاب قبر اور سلف صالحین
158قبر کا مومن میت کو دبانا
160عقیدہ توحید اور منکر نکیر کے سوال
163نیک اعمال عذاب قبرسے ڈھال ہیں
165فتنہ قبر سے محفوظ رہنے والے
168قبروں میں اجسام کی حالت
171جسم سے نکلنے کے بعد روح کہاں قیام کرتی ہے؟
174کیا ارواح کا دنیا میں واپس آناممکن ہے ؟
176عذاب قبر سے پناہ مانگنے کی دعائیں
178اہل قبور کے لئے استغفار
180متفرق مسائل
Flag Counter