| اور اللہ سے دعا خوف امید توکل رغبت ڈر خشوع خشیت انابت استعانت استعاذہ استغاثہ ذبح نذراوریگر انواع و اقسام کی عبادات ہیں جن کے بجالانے کا حکم اللہ تعالیٰ نے دیا ہے یہ تمام عبادات صرف اور صرف اللہ کے لیے ہیں ۔[1] [دعا]: …اس کی دلیل اللہ تعالیٰ کا یہ فرمان ہے :﴿وَاَنَّ الْمَسٰجِدَ لِلّٰہِ فَــلَاتَدْعُوْا مَعَ اللّٰہِ اَحَدًا ﴾ (الجن:18) ’’اور بے شک مسجدیں صرف اللہ تعالیٰ ہی کے لیے خاص ہیں پس اللہ تعالیٰ کے ساتھ کسی اور کو نہ پکارو۔‘‘ اور جو کوئی ان کاموں میں سے کوئی ایک کام غیراللہ تعالیٰ کے لیے کرتا ہے ‘وہ مشرک اورکافر ہے۔اس کی دلیل اللہ تعالیٰ کا یہ فرمان ہے: ﴿وَمَنْ یَّدْعُ مَعَ اللّٰہِ اِِلٰہًا آخَرَ لَا بُرْہَانَ لَہٗ بِہٖ فَاِِنَّمَا حِسَابُہُ عِنْدَ رَبِّہٖ اِِنَّہُ لَا یُفْلِحُ الْکٰفِرُوْنَ﴾ (المؤمنون: 117) ’’ جو شخص اللہ کے ساتھ کسی دوسرے معبود کو پکارے جس کی کوئی دلیل اس کے پاس نہیں ، پس اس کا حساب تو اس کے رب کے اوپر ہی ہے۔ بیشک کافر لوگ نجات سے محروم رہیں گے۔ ‘‘[2] |