|
عائشہ نے پردہ کیتا قبروں ضرور سی علت ایہ اسدی عمر وڈا غیور سی
حضرت دی زوجہ صاحب شرم حضور سی
جنت وچہ ڈٹھا نبی عمر دا گھر سی اندر نہ لنگھے اوہدی غیرت دا ڈر سی
حالانکہ عمر رضی اللہ عنہ اجے گیا نہ مرسی
زندگی دا ویلا جدوں او سدآہیا سی عائشہ دے حجرے کدے ڈیرا نہ لایا سی
حضرت نے کدوں راتیں اوتھے سوایا سی
ایہ بھی نکما ڈاہڈا دِتا ثبوت سُو سارا نہ طاقت جالا عنکبوت سُو
ٹپاں دے اُتے اینویں تنیاں پیا سوت سُو
جواب الجواب مولوی عبدالغفور
دن دا اَخیر نالے پیریڈ اَخیر دا عبدالغفور ڈٹھا وقت اخیر دا
عاصی تے ویلا گویا منکر نکیر دا
سَجے تے کھبے ویکھے سوچاں دوڑاوندا لحیہ مبارک پھَڑکے منہ وچہ سی پاوندا
عاجز جوابوں ہویا منطق ول آوندا
علت دیاں قسماں کہندا دسو قرآن تھیں ورنہ ہے فتح میری منوں زبان تھیں
جِتّا میں ہارے تسیں سارے میدان تھیں
پچھوں اک ہور سوٹا انہاں چا ماروا اﷲ تبارک مُوْتُوْا پیا پکار دا
مرنوں مرجاؤ پہلاں حکم سرکار دا
اہل حدیثاں کیتی بات اشارے دی اُڈی سو عقل ماری ہوش وچارے دی
پچھوں شتابی آیت کہڑے سپارے دی
ملاں نوں سمجھ گئی کہندا بیڑا نہ روہڑ دے کہو توں حدیث دعویٰ آیت دا چھوڑ دے
جھبدی ہو بھائیا کانٹہ پٹھا مروڑ دے
|