|
یاراں تسلی دیندے صورت ویکھاوندے
ساڈی بھی وطنی کدی پھیرا چا مار دے صدقے ہوجاندے اسیں جاناں نوں وار دے
عمر تمامی رب دا شکر گزار دے
کر دے شکایت حضرت سانوں فرمایا جے ڈاہڈا بریلی والیاں سانوں ستایا جے
منکر تساڈا سانوں جگ تے بنایا جے
کفر دے فتوے ساڈے اُوپر چلائے نے جاہل دیوانے ساڈے وَیری بنائے نے
ٹھاکو اونہاں نوں ایڈے اَنت کیوں چائے نے
وچہ مسیتاں سانوں جانا دشوار ہے آیت سنائیے لگدی وانگ تلوار ہے
آپ فرماؤ کیا ایہ حکم سرکار ہے
اسیں تے سکدے رہندے آپ دی وانوں خوابوں نہیں ڈٹھا کدے روح ہمانوں
ربّا اِک واری دَسیں بدرُ دُّجٰے نوں
سید امیر پڑھ صَلِّ عَلٰی توں منکر وے اُتے پیا لعنتاں پا توں
مارے مدینے مولیٰ منگ دعا توں
جواب مولوی عبدالغفور
مومنو جَپو نام رب غفور دا سنیوں جواب نالے عبد غفور دا
وڈے علامے صاحبِ عقل شعور دا
پہلی اَحْیَائٌ آیت سناوندا دوجی پھر یُرْزَقُوْن پڑھ کے سناوندا
دوہاندے وچوں جسمی زندگی جتاوندا
یعنی فرمایا حضرت رب مجید نے مردے نہ آکھو جہڑے ہوئے شہید نے
زندے نے بلکہ کر دے عیشاں تے عید نے
دنیا تے پھر دے رہندے گھریں بھی آوندے روٹیاں کھاندے مل دے گلاں سناوندے
|