تحریکِ آزادی فکراور حضرت شاہ ولی اللہ کی تجدیدی مساعی

ساتھ متفق ہیں۔ بعض چیزوں میں عام لوگوں سے ممتاز ہیں۔ ان کے مخالف معقول، منقول، قیاس، رائے، کلام، نظر واستدلال، حجۃ، مجادلہ، مکاشفہ، وجد وذوق وغیرہ سے اہل حدیث کا مقابلہ کریں تو اہل حدیث ان تمام طریقوں میں ان سے بدرجہا بہتر اور اعلیٰ ہیں۔‘‘ آخر میں فرمایا:

وهذا هو للمسلمين بالنسبة إلى سائر الأمم ولأهل السنة والحديث بالنسبة إلى سائر الملل ص8

مسلمانوں میں یہ ذہانت اور یہ خوبیاں تمام امتوں سے زیادہ ہیں۔ اہل حدیث میں باقی تمام مذاہب سے زیادہ 1ھ ص6 سے ص11 تک فرمایا۔ ائمہ اربعہ اور باقی تمام فقہاء محدثین کو دنیا میں اس لئے برتری حاصل ہے کہ وہ ائمہ اہل حدیث اور سنت کے موافق تھے۔ اسی طرح بدعتی فرقوں کا حال ہے جہاں تک وہ اہل حدیث کے موافق ہیں ان کی تعریف کی گئی ہے اور جہاں تک وہ اہل حدیث کے مخالف ہیں علمی حلقوں میں مذمت کی گئی ہے (گویا حق وباطل کا معیار ہمیشہ اہل حدیث رہے ہیں۔)

شیخ الاسلام اسی لقب کی وضاحت فرماتے ہوئے لکھتے ہیں:

ونحن لا نعني بأهل الحديث المقتصرين على سماعه أو كتابته أو روايته بل نعني بهم كل من كان أحق لحفظه ومعرفته وفهمه ظاهرا وباطنا وكذلك أهل القرآن (نقض المنطق ص81)

اہل حدیث اور اہل قرآن سے ہماری مراد وہ لوگ نہیں جو صرف حدیث کے سماع یا روایت یا کتابت تک ہی محدود ہوں بلکہ مراد وہ لوگ ہیں جو حدیث کے حافظ، اس کے مفہوم کو ظاہری اور باطنی طور پر پوری طرح سمجھتے ہوں اور پوری طرح اس کا اتباع بھی کرتے ہوں۔ یعنی ان میں بصیرت اور تفقہ بدجۂ اتم موجود ہے۔ ص 74 پر لکھتے ہیں:

إن علامة الزنادقة تسميتهم لأهل الحديث حشوية

بے دین لوگ اہل حدیث کو لفظ پرست اور حشوی کہتے ہیں اھ

اس کے بعد فرمایا:

فقهاء الحديث أخبر بالرسول من فقهاء غيرهم وصوفيتهم أتبع للرسول من صوفية غيرهم وأمراءهم بالسياسة النبوية من غير وعامتهم أحق بموالات