بیان فرمائی، کہ جمعہ عید ہے۔‘‘[1]علاوہ ازیں امام مالک نے حضرت نافع ؒ سے روایت نقل کی ہے، کہ:’’أَنَّ عَبْدَ اللّٰہِ بْنَ عُمَرَ رضی اللّٰهُ عنہ کَانَ یَغْتَسِلُ یَوْمَ الْفِطْرِ قَبْلَ أَنْ یَغْدُوَ إِلَی الْمُصَلّٰی۔‘‘ [2]’’بے شک عبد اللہ بن عمر رضی اللہ عنہ عید الفطر کے دن عیدگاہ جانے سے پہلے غسل کیا کرتے تھے۔‘‘-۲-
بہترین کپڑے پہن کر عید کے لیے جاناعید کے لیے بہترین لباس پہن کر جانا مستحب ہے۔ [3]امام ابن قیم نے بیان کیا ہے، کہ رسول اللہ صلی اللہ علیہ وسلم عیدین کے موقع پر اپنا سب سے زیادہ خوبصورت لباس پہنتے تھے۔[4]اس بات کی تائید اُس حدیث سے ہوتی ہے، جسے امام طبرانی نے حضرت ابن عباس رضی اللہ عنہ سے روایت کیا ہے، کہ انھوں نے کہا: