جہنم کا بیان

عَنْ اَبِیْ ھُرَیْرَۃَ رضی اللّٰہ عنہ اَنَّہٗ سَمِعَ رَسُوْلَ اللّٰہِ صلی اللّٰہ علیہ وسلم یَقُوْلُ ((اِنَّ الْعَبْدَ لَیَتَکَلَّمُ بِالْکَلِمَۃِ یَنْزِلُ بِھَا فِی النَّارِ اَبْعَدَ مَا بَیْنَ الْمَشْرِقِ وَالْمَغْرِبِ)) ۔رَوَاہُ مُسْلِمٌ[1]

حضرت ابوہریرہ رضی اللہ عنہ سے روایت ہے انہوں نے رسول اللہ صلی اللہ علیہ وسلم کو فرماتے ہوئے سنا ہے ’’(بعض اوقات)بندہ کوئی ایسی بات زبان سے کہہ دیتا ہے کہ مشرق و مغرب کے درمیانی فاصلے سے بھی زیادہ نیچے آگ میں جا گرتا ہے۔‘‘اسے مسلم نے روایت کیا ہے۔

مسئلہ 284:قسم کھا کر کسی دوسرے کا حق غصب کرنے والا جہنم میں جائے گا۔

عَنْ اَبِیْ اُمَامَۃَ یَعْنِی الْحَارِثِیَّ رضی اللّٰہ عنہ اَنَّ رَسُوْلَ اللّٰہِ صلی اللّٰہ علیہ وسلم قَالَ (( مَنِ اقْتَطَعَ حَقَّ امْرَیئٍ مُسْلِمٍ بِیَمِیْنِہٖ فَقَدْ اَوْجَبَ اللّٰہُ لَہُ النَّارَ وَ حَرَّمَ عَلَیْہِ الْجَنَّۃَ)) فَقَالَ لَہٗ رَجُلٌ یَا رَسُوْلَ اللّٰہِ صلی اللّٰہ علیہ وسلم !وَ اِنْ کَانَ شَیْئًا یَسِیْرًا قَالَ ((وَ اِنْ قَضِیْبًا مِنْ اَرَاکٍ)) ۔رَوَاہُ مُسْلِمٌ [2]

’’حضرت ابو امامہ حارثی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ’’جس نے قسم کھا کر کسی مسلمان آدمی کا حق مار لیا اللہ تعالی اس پر جہنم واجب کردیتے ہیں۔‘‘ایک آدمی نے عرض کیا ’’یارسول اللہ صلی اللہ علیہ وسلم خواہ معمولی ساحق ہو۔‘‘آپ صلی اللہ علیہ وسلم نے ارشاد فرمایا ’’خواہ پیلو کی ایک ٹہنی ہی کیوں نہ ہو۔‘‘اسے مسلم نے روایت کیا ہے

مسئلہ 285: پائجامہ،شلوار یا تہ بندٹخنوں کے نیچے لٹکانے والا جہنم میں جائے گا۔

عَنْ اَبِیْ ھُرَیْرَۃَ ص عَنِ النَّبِیِّ ا قَالَ ((مَا اَسْفَلَ مِنَ الْکَعْبَیْنِ مِنَ الْاِزَارِ فَفِی النَّارِ)) روَاہُ الْبُخَارِیّ ُ[3]

حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ’’تہبند کا وہ حصہ جو ٹخنوں کے نیچے ہوگا،جہنم میں جائے گا۔‘‘اسے بخاری نے روایت کیا ہے۔

مسئلہ 286:اچھی طرح وضو نہ کرنے والا جہنم میں جائے گا۔

عَنْ عَبْدِ اللّٰہِ ابْنِ عُمَرٍو رَضِیَ اللّٰہُ عَنْھُمَا قَالَ رَاٰی رَسُوْلُ اللّٰہِ صلی اللّٰہ علیہ وسلم قَوْمًا یَتَوَضَّؤنَ وَ