جہاد کے مسائل

نے بہادر کہلوانے کے لئے جنگ کی سو دنیا نے تجھے بہادر کہا ،پھر (فرشتوں)کو حکم ہوگا اور اسے منہ کے بل گھسیٹ کر جہنم میں ڈال دیا جائے گا۔اس کے بعد وہ آدمی لایا جائے گا جس نے خود بھی علم سیکھا اور دوسروں کو بھی سکھایااللہ تعالیٰ اس سے اپنی نعمتیں گنوائے گا اور وہ (عالم) ان نعمتوں کا اقرار کرے گا تب اللہ اس سے پوچھے گا ان نعمتوں کا شکریہ ادا کرنے کے لئے تونے کیاعمل کیا۔ وہ عرض کرے گا میں نے خودبھی علم سیکھا اور دوسروں کو بھی سکھایااور تیری خاطر لوگوں کو قرآن پڑھ کر سنایا۔ اللہ تعالیٰ ارشاد فرمائے گا تو نے جھوٹ کہا ہے تو نے تو قرآن اس لئے پڑھ کر سنایا تھا کہ لوگ تجھے قاری کہیں سو دنیا نے تمہیں عالم اور قاری کہا پھر حکم ہوگااور اسے منہ کے بل اٹھا کر جہنم میں پھینک دیا جائے گا۔اس کے بعد ایک اور آدمی لایا جائے گا اللہ تعالیٰ اس سے اپنی نعمتیں گنوائے گا ،وہ ان نعمتوں کا اقرار کرے گا پھر اللہ تعالیٰ اس سے سوال کرے گا کہ میری نعمتیں پاکر تم نے کیا کام کئے؟وہ کہے گا کہ میں نے تیری راہ میں ان تمام جگہوں پر مال خرچ کیا جہاں تجھ کو پسند تھا ۔اللہ تعالیٰ ارشاد فرمائے گا کہ تو جھوٹ کہتا ہے تونے تو مال صرف اس لئے خرچ کیا تاکہ لوگ تجھے سخی کہیں اور دنیا نے تجھے سخی کہا پھر حکم ہوگا اور اسے منہ کے بل اٹھا کر جہنم میں پھینک دیا جائے گا۔اسے مسلم نے روایت کیاہے۔

عَنْ عُبَادَۃَ بْنِ الصَّامِتِ رضی اللّٰه عنہ قَالَ : قَالَ رَسُوْلُ اللّٰہِ ا ((مَنْ غَزَا فِیْ سَبِیْلِ اللّٰہِ وَ لَمْ یَنْوِ اِلاَّ عِقَالاً فَلَہٗ مَانَوٰی)) رَوَاہُ النِّسَائِیُّ[1] (حسن)

حضرت عبادہ بن صامت رضی اللہ عنہ کہتے ہیں رسول اللہ صلی اللہ علیہ وسلم نے فرمایا ’’جس نے( بظاہر )اللہ کی راہ میں جنگ کی ، لیکن اس کی نیت اونٹ کو باندھنے کی ایک رسی حاصل کرنے کی تھی، اسے وہی چیز ملے گی جو اس کی نیت تھی۔(یعنی وہ اجرو ثواب سے محروم رہے گا)‘‘اسے نسائی نے روایت کیا ہے۔

عَنْ اَبِیْ اُمَامَۃَ الْبَاہِلِیِّ رضی اللّٰه عنہ قَالَ جَائَ رَجُلٌ اِلَی النَّبِیِّ صلي اللّٰه عليه وسلم فَقَالَ أَرَأَیْتَ رَجُلٌ غَزَا یَلْتَمِسُ الْاَجْرَ وَالذِّکْرَ مَالَہٗ فَقَالَ رَسُوْلُ اللّٰہِ ا (( لاَ شَیْئٌ لَہٗ )) فَاَعَادَہَا ثَلاَثَ مَرَّاتٍ یَقُوْلُ لَہٗ رَسُوْلُ اللّٰہِ ا ((لاَ شَیْئٌ لَہٗ )) ثُمَّ قَالَ (( اِنَّ اللّٰہَ لاَ یَقْبَلُ مِنَ الْعَمَلِ اِلاَّ مَا کَانَ لَہٗ خَالِصًا وَابْتَغِیْ بِہٖ وَجْہُہٗ )) رَوَاہُ النِّسَائِیُّ [2] (صحیح)