مومن کی نماز

(( وَکَانَ یَفْرِشُ رِجْلَہُ الْیُسْریٰ وَیَنْصِبُ رِجْلَہُ الْیُمْنٰی۔))[1]

’’آپ صلی اللہ علیہ وسلم اپنے بائیں پاؤں کو بچھاتے اور دائیں کو کھڑا رکھتے تھے۔‘‘

نمبر3… ہاتھوں کو گھٹنوں پررکھنا، جس کے تین طریقے ہیں:

پہلا طریقہ: دونوں ہاتھ دونوں رانوں پر رکھنا: سیّدنا ابن زبیر رضی اللہ عنہ بیان کرتے ہیں کہ :

(( کَانَ رَسُوْلُ اللّٰہِ صلي اللّٰه عليه وسلم إِذَا قَعَدَ یَدْعُوْ، وَضَعَ یَدَہُ الْیُمْنٰی عَلٰی فَخِذِہٖ الْیُمْنٰی وَیَدَہُ الْیُسْریٰ عَلَی فَخِذِہِ الْیُسْریٰ۔))[2]

’’رسول اللہ صلی اللہ علیہ وسلم جب بیٹھتے تو اپنے دائیں ہاتھ کو اپنی دائیں ران پر رکھتے اور اپنے بائیں ہاتھ کو بائیں ران پررکھتے۔‘‘

دوسرا طریقہ: دونوں ہاتھوں کو دونوں گھٹنوں پر رکھنا: سیّدنا ابن عمر رضی اللہ عنہ بیان کرتے ہیں کہ:

(( کَانَ إِذَا جَلَسَ فِی الصَّلٰوۃِ وَضَعَ یَدَیْہِ عَلٰی رُکْبَتَیْہِ۔))[3]

’’آپ صلی اللہ علیہ وسلم جب نمازمیں بیٹھتے تواپنے دونوں ہاتھ اپنے گھٹنوں پر رکھتے۔‘‘

تیسرا طریقہ:دایاں ہاتھ دائیں ران پر اور بایاں ہاتھ بائیں گھٹنے پر :

(1)…جیساکہ سیّدنا ابن زبیر رضی اللہ عنہ بیان کرتے ہیں کہ:

(( کَانَ رَسُوْلُ اللّٰہِ إِذَا قَعَدَ یَدْعُوْ وَضَعَ یَدَہُ الْیُمْنٰی عَلَی فَخِذِہِ الْیُمْنٰی وَیَدَہُ الْیُسْریٰ عَلٰی فَخِذِہِ الْیُسْریٰ وَأَشَارَ بَأِصْبَعِہٖ السَّبَّابَۃِ وَوَضَعَ إِبْہَامَہُ عَلٰی إِصْبَعِہِ الْوُسْطٰی وَیُلْقِمُ کَفَّہُ الْیُسْریٰ عَلَی رُکْبَتِہِ۔))[4]